På tur med Terje
– Kossi, kossi, kossi... , ropar Terje. Vi står og ute ved grinda til barneskulen. Terje har ei holtang bak ryggen.
– Kva seier ein for å lokke til seg desse helvetes smårollingane? spør han irritert. Han har eine foten i bandasje fordi han forstuva den då han datt førre veke, og tråkka foten inn i tubaen. Han skular tankefullt over gjerdet og vi høyrer det pip i nasen hans. Haustsola steikjer, og ein klegg har sett seg godt tilrette på nakken til Terje. Men Terje reagerer ikkje, det rykkjer berre litt i eine auge. Men han rettar seg brått då han ser ein pensjonist.
– Det var ein framifrå ide dette med merking av innvandrarar, seier han unaturleg høgt ut i lufta, så pensjonisten skal høyre det. Pensjonisten nikkar og mumlar noko om nokon som bygde landet. Terje gliser før han haltar avgarde.
– Vent her, seier han. Eg skal heim og hente luftgeværet.

Språkleg tullball

Det var ein veldig morosam og nyttig liten detalj de tok med i Leikestove førre veke, summar professor Arnljot Moe-Moland frå Nordisk institutt.
– I Kryssordadressa hadde de skrive Bergen slik: «Brgn» - Bergen, berre utan vokalar. Som vi her på instituttet veit er det nemleg slik at dette var ein vanleg måte å yttrykke seg skriftleg på i oldtida. Altså berre med konsonantar. Dette førte stundom førte til artige misforståingar farisearane og romarane imellom når dei skulle lese i århundra før Kristus, og var opphav til mangt som vi kan le av endå i dag. Dette var ein artig liten detalj som vi professorane her på instituttet hadde mykje moro med i matpausen. Sjølv har eg skrive fleire bøker om dette emnet. Det kom også nokre høgare grads studentar og ville vere med på spøken, men då låste Dekanus døra til pauseromet. Dei jyplingane skal ikkje kome her og tru at dei forstår slike spøkar like godt som oss.

Lekestove er nok ein gong ute i hardt vêr, etter at vi vart konfrontert med at den folkekjære spalten «På tur med Terje» ikkje er morosam og at skribentane har «pynta» på røynda i fleire av intervjua med Terje Søviknes. Dette var ukjent for store delar av redaksjonen, og det kom som ei stor overasking på nesten alle. Ansvaleg redaktør i Leikestove fråskriv seg alt ansvar i denne saka, og hevdar å ha handla i god tru, sidan dei ansvarlege hadde lova å rydde opp i tilhøvet.
Dei ansvarlege lovar å rydde opp i dette tilhøvet.

lfu@studvest.no

Siste artikkel:
3. september 2003
Antall artikler: 42

Kollektivrabatten