På tur med Terje
Vi vandrar rundt i gangane på Kvarteret. FrP er på omsyning, og vi traskar i helane på Terje, Martin og ein ung student som smiler og sveittar på overleppa og har greidd alt håret over månen og langt ned i panna. Martin har nett skjellt ut ei ung vakt fordi ho ikkje visste kvar student-motorklubben er. Martin er misfornøgd med opplegget.
– Det er ikkje ein kjeft som veit kvar mekkelokala er, seier han kritisk.
– Finst det, spør vi.
– Sjølvsagt, seier Terje. Vi veit at ungdom er opptekne av slikt, og her er over 20.000 studentar. Klart dei har ein motorklubb.
– Over 25.000, rettar vi.
– Alt for mange uansett, har vi ikkje nok lærarar i dette landet som det er kanskje? Han set hendene i sida.
– Sjå på alle desse brille-jesusane, seier han hånleg og ser seg rundt i Stjernesalen. FrP har hatt stor suksess blant unge menn med låg utdanning. No vil dei satse på å vinne unge røystarar med høg utdanning.
– Kva slag saker har de tenkt bruke for å vinne studentmedlemer?
– Vi veit ikkje heilt enno. Billegare briller.. og... og fleire bibliotek... Slikt som lærarar er opptekne av.
– Rabatt på spoilerar, skyt Martin inn.
– Men det er inkonsekvent, FrP har prøvd å legge ned fleire kommunale bibliotek, seier vi.
– Hah.. trur du det er nokon som reagerer på det?
– Det er mulig at Studvest og slike vil reagere.
– Hmm, seier du det..? Då må vi vel prøve å få lagt ned dei der Studvest.

 

Klage

– Vi i Kvinnegruppa Gunnar vil på det sterkaste protestere mot at Leikestove brukar slike ord som løysing på kryssordet som de gjorde sist. «Brød» er eit typisk mannsord som antyder at kvinnekroppen berre er ein ting som menn skal konsumere , i overført tyding. – Er det lov å bruke «pupp»? – Nei. «Pupp» står også på lista vår over mannsord – med mindre du kan dokumentere at det dreiar seg om erotikk og ikkje porno. – Kva hvis det er ingen av delene? – Umulig! Det er enten erotikk eller pornografi.

 

Leikestove beklagar at vi i førre utgåve hadde kutta teksten i samlivvspalten vår «Sex i kvardagen». Særskilt sterke klager kom frå Kvinnegruppa Gunnar, som lenge har hatt dette som einaste informasjonskjelde for samlivsspørsmål. Dei kan ikkje lese andre publikasjonar med samlivsstoff, i tilfelle det skulle vise seg å vere porno.
– Vi mistenkjer at dette er eit bevisst forsøk frå den mannlege leiinga i Studvest på å holde oss nede, seier leiaren i Gunnar i ein kommentar.

Siste artikkel:
3. september 2003
Antall artikler: 42

Kollektivrabatten