D-Strict/Andes allies!
Fortvilte og oppjaga D-Strict-tilhengjarar har lenge etterlyst
meir rural poesi frå den suksessrike rappe-gruppa.
Nettsida vår har vore nede fleire gongar på
grunn av stor pågang. Men fortvil ikkje, no er me
attende med meir folkeopplysning og bygdekamp! Trioen sin
feminine tredjedel kan øvebringja ei oppeldna helsing
frå våre indiansk-ætta bondebrør
og systre i dei andinske høgfjella. Med bandopptakar
og stipend frå Norsk Bonde-og småbrukarlag og
ein hemmeleg beundrar i Finansdepartementet (nei, me seier
ikkje kven det er!), har DJ Mor Åse farta i fjell
og dalar i det Ekte Amerika og samla inn stoff til vår
nye skjeve: «Jump Andes!!- the new hipp hopp sound
vol. 1». Teksten er øvesett og bearbeita frå
inka-urspråket quechua av DJ Mor Åse, og me
ber soleis om takhøgd for at noko av den opprinnelege
meininga kan ha gjenge tapt i øvesetjinga. Låta
er sjølvsagd akkompagnert med gruuvy panfløyter,
og blir framførd femstemt.
This one goes out to...the brothers in farms.....!!!!
Rock your flutes and join the beat...!!!
Me gav dykk mais, kakao og pote*
men sjå, kva gav de oss?
sverdslag, ran og syfilis,
og blodstenkt fjell og foss!
De kalte det ei oppdaging,
og feira dei kvite menn,
«sjå, det var jammen heltemot, me ville gjort
det igjen!»
I lenker lagt, til spott og spe,
me slava for chemwbann**
rikdomen de tok frå oss,
og bygde dykkar land.
Men fekk me fred då lenker rauk,
har me sett ein kompensasjon?
Nei, framleis får me ingenting,
og høyr, her er vår dom:
No lagar me ein bondehær,
med maursyre og spett!
Me inntek børs og katedral,
og kjempar for vår rett!
Om de i nord vil vera med,
so kom og heng dykk på!
me underlegg oss kvitsnippar,
og let bondediktaturet rå!
* Nynorsk for den omtykte grønsaka
potet som har sitt opphav på det latinamerikanske
kontinent. Er sidan blitt ei del av den norske folkesjela
på lik linje med brunost, VG og komtemplerande turar
i myr og kratt.
** Eit lite flatterande ord som eg ikkje
turde oversetja grunna den nye ansvarlege redaktøren
sin knallharde sensur-politikk mot kjønnsfikserte
ukvemsord. Ordet hentydar blant anna til kvitingar sine
kvite rumper og kvalmande kroppslukt.
