– Snobbete pasientar

	PÅ KARRIERESENTERET. – Dei fleste er ikkje klar over at det tek tid å orientere seg på arbeidsmarknaden, seier Tale Nesmann Berntsen og Ingrid Wiggen.

Karrieresenteret meiner studentane er altfor dårleg førebudde når dei skal søkje seg jobb etter studiane.

Tekst: RAGNHILD KONGSVOLL og VIDAR GUDVANGEN
ragnhild@studvest.no / vidar@studvest.no
Foto: CHRISTINE ERLBECK / christine@studvest.no

– Problemet er at dei fleste studentar byrjar å tenkje på korleis dei kan skaffe seg jobb altfor seint, meiner Ingrid Wiggen og Tale Nesmann Berntsen ved Karrieresenteret i Bergen.

Dei har inntrykk av at studentane tenkjer for snevert når det gjeld arbeidsmarknaden.

– Mange får sjokk når dei ikkje får jobb med ein gang, og er ikkje klar over dei høge krava for å få arbeidsløysetrygd.

PASIENTAR

Wiggen trur ikkje studentane veit kor mykje arbeid det ligg i å skaffe seg jobb.

– Vi pleiar å skilje mellom «pasientar» og «agentar». Pasientane sit og ventar på at jobben skal falle i fanget på dei, medan agentane går aktivt ut og skaffar informasjon og marknadsfører seg. I dag har vi alt for mange pasientar, seier ho.

Nesmann Berntsen meiner løysinga for studentane er å oppsøkje Karrieresenteret tidleg, og med deira hjelp unngå unaudsynte nybyrjarfeil.

SNOBBETE

Nesmann Berntsen merkar seg at studentane tenkjer snevert og unngår «usexy» yrker.

– På Historisk-filosofisk fakultet (HF) vil alle jobbe i forlag, og på Samfunnsvitskapeleg fakultet (SV) vil alle inn i UD. Og som siste utveg kan dei kanskje ta ein lærarjobb, seier ho.

– Dette er ei snobbete haldning. Det verkar som studentar ikkje veit kva kompetanse dei har, og kvar den kan brukast, meiner Wiggen.

– Mange trur at drøymejobben skal ligge under stillingsannonsene i Bergens Tidende. Det gjer den sjeldan, seier ho.

BETRE PÅ NHH

– NHH er flinkare til å fortelje studentane kva sjansar dei har. Næringslivet blir ein del av empirien i undervisninga, seier Wiggen. Håvard Woldstad i Studentforeningen ved NHH fortel at dei prøver å marknadsføre studentane sine gjennom å invitere bedrifter til skulen.

– I tillegg har Næringslivsutvalget vårt det siste halvanna året jobba aktivt med å marknadsføre oss i utlandet, og invitere utanlandske bedrifter hit, seier Woldstad.

Som på Universitetet har NHH ein årlig Karrieredag, der 40 bedrifter besøker skulen.

Woldstad påpeiker at dette er satsing Studentforeningen gjer utan finansiering frå skulen.

– UiB marknadsfører seg ikkje

VIDAR GUDVANGEN vidar@studvest.no

– Det er lettare å vite kva kvalifikasjonar ein økonom eller jurist har, samanlikna med meir diffuse fagkombinasjonar ved universitetet. Sæle trur næringslivet i mange høve ikkje er medvitne kvalifikasjonane universitetsstudentane sit på.

– NHH og høgskulane er flinkare enn universitetet til å samarbeide med næringslivet, seier Sæle. Han ser positivt på tilbodet studentane har gjennom Karrieresenteret, men peikar samstundes på at det er avgrensa kor mange senteret kan hjelpe.

HALDE PÅ JOBBEN

Sæle er ikkje heilt samd i Karrieresenteret sin kritikk av UiBstudentane som «pasientar».

– Mange trur dei har krav på dagpengar og får seg ei overrasking når dei kjem til oss. Eg har likevel inntrykk av at dei fleste ynskjer å kome i aktivitet, understrekar Sæle. Han rår studentar til å halde på deltids- og sommarjobben i påvente av den endelege jobben.

– Det beste er å søkje jobb frå ein annan jobb, seier han.

– KAN BLI BETRE

– Ei viktig årsak til at Karrieresenteret vart oppretta, var nettopp for å vere eit bindeledd mellom studentane og arbeidsmarknaden, seier UiB-rektor Kirsti Koch Christensen. Ho tek kritikken frå Aetat på alvor, men seier UiB ikkje har konkrete tiltak på blokka dag.

– Det ville nok vore tenleg at våre allmennfaglege fakultet, HF og SV, i sterkare grad marknadsfører sine kandidatar, innrømmer Kock Christensen.

– Vi håpar kvalitetsreforma i større grad skal gi studentane eit klarare papir på kva kvalifikasjonar dei har etter studia, seier Koch Christensen.

GODE PÅ DET OFFENTLEGE

– I høve til spesielle delar av næringslivet er nok NHH komne lenger enn oss, vedgår dekanus ved Samfunnsvitskapeleg fakultet, Alf Erling Risa.

– Men eg er ikkje sikker på at vi på SV ligg så mykje etter realfaga når det gjeld å sjå til næringslivet, seier han.

Han er derimot nøgd med SVfakultetet si satsing på det offentlege, og viser til tett samarbeid med Helse Bergen, Statistisk sentralbyrå og ulike departement. Han trur studentane blir meir attraktive etter kvalitetsreforma.

– Det nye systemet signaliserer meir individualisme i valet av fagkompetanse

Har søkt jobb i halvanna år

Tekst: VIDAR GUDVANGEN vidar@studvest.no
Foto: ANNIKEN C. MOHR anniken@studvest.no

Sidan ho var fedig utdanna våren 2003, har May Britt Nyvoll (26) søkt på ei rekkje stillingar - utan hell.

	PÅ LEIT. Trass i opne dører på Vektertorget, er draumejobben som jurist i Barnevernet framleis eit stykke unna for May Britt Nyvoll.

– Eg har søkt over heile Sør-Norge, men har fått beskjed om at eg manglar relevant arbeidserfaring kvar gong, fortel den unge juristen. No tener ho til livets opphald på ein sjukeheim i Bergen. Nyvoll oppfordrar jobbsøkande til å vende blikket ut av byane.

– Når eg har søkt på stillingar i Bergen har det vore ca 150 søkjarar, mot kanskje 20 i distrikta. Nyvoll saknar meir engasjement frå universitetet si side.

– Eg har ikkje opplevd at UiB marknadsfører studentane utanom den årlege karrieredagen, seier Nyvoll. Ho føler heller ikkje at Aetat har noko å tilby ho som akademikar.

– Då eg registrerte meg som jobbsøkjande hos Aetat, følte eg at dei ikkje hadde noko å tilby meg. Hos Karrieresenteret har Nyvoll derimot fått hjelp.

– Dei hjelper med søknader, CV og ulike kurs. Det er dessutan eit godt tilbod for meg som ikkje har PC heime, fastslår 26-åringen.

Vil ha trygd

RAGNHILD KONGSVOLL ragnhild@studvest.no

Audun Lysbakken frå SV meiner det ikkje er studentane sin feil at dei går arbeidslause, og at dei må få tid til å søkje jobbar etter utdanning.

– Mitt inntrykk er at det er systemet som sviktar. Det er rett og slett ikkje nok jobbar, og nyutdanna studentar går utan jobb, seier han.

Lysbakken føreslår ei trygdeordning liknande den svenske, der studentane får trygd medan dei søkjer jobbar.

– For å få arbeidsløysetrygd må du ha hatt ei årsløn på over 85.000, noko svært få studentar har sjanse til. Slik ordninga er idag hamnar studentane mellom to stolar, seier han. SV-representanten syns det er feil å straffe dei som tar høgare utdanning.

– Dersom vi ønskjer at ungdom skal ta høgare utdanning, må vi gjere det attraktivt for dei, og hjelpe dei i den vanskelege overgangen til arbeidsmarknaden.

Fem på gata

Tekst: RAGNHILD KONGSVOLL ragnhild@studvest.no Foto: CHRISTINE ERLBECK christine@studvest.no

1. KVA VIL DU BLI NÅR DU BLIR STOR?
2. KORLEIS VIL DU GÅ FRAM FOR Å FÅ DEG JOBB?

ADELINE LANDRO (24),
ADMINISTRASJON- OG ORGANISASJONSPSYKOLOGI.
1. Eg vil bli konsulent.
2. Trur det er ganske lett å få ein konsulentjobb. Hadde tenkt å sende ut søknadar etter eg er ferdig med utdanninga.

GERT OVE MOLLESTAD (23),
SAMANLIKNANDE POLITIKK.
1. Skal prøve å bli journalist.
2. Har allereie ein fot inne i ei avis, så eg reknar med at det vil gå greit. Eg har også levert ut søknadar, og vil vel studere til eg får svar.

ANDERS KAMBO TANGERÅS (22),
ADMINISTRASJON- OG ORGANISASJONSTEORI, OG MIDTAUSTENKUNNSKAP.
1. Draumen er å bli tatt opp i UD sin aspirantskule, og seinare bli diplomat.
2. Vil ta hovedfag i historie, og lære meg eit språk som få andre kan.

JON ARVE BJORDAL (22),
MIDTAUSTENKUNNSKAP/EXFAC.
1. Eg har tenkt å bli lærar.
2. Eg vil fullføre hovudfag, og ta lærarutdanning. Ein får praksis som del av utdanninga, så da bør ein vel knytte kontaktar. Skal byrje å søkje tidleg.

INGVILD KLEIVELAND VEVLE (22),
NORDISK LITTERATUR OG LINGVISTIKK.
1. Eg veit ikkje, har tenkt på lærar.
2. Vil ta hovudfag og pedagogikk, og byrje å søkje etter studiane. Kanskje prøve meg som vikar først?

Studvest
følger saken:

Kvalitets-
reformen

Siste artikkel:
20. august 2003
Antall artikler: 36

Lånekassen

Siste artikkel:
11. september 2002
Antall artikler: 11