Leiing av skuleutvikling, 30 studiepoeng

"Leiing av skuleutvikling" er eit studium for skuleleiarar som Høgskulen i Sogn og Fjordane skal gjennomføra på oppdrag for Sogn Regionråd.

Innhald i studiet

Studiet rettar søkjelyset mot dei store utfordringane ein står overfor når det gjeld regional og kommunal omstilling. Entreprenørskapstenking blir ei viktig tilnærming, samtidig som programmet skal styrke skulane sitt arbeid med den nye nasjonale læreplanen som er ein del av det statlege ”Kunnskapsløftet” for skulesektoren. Hovudtema i studiet:

• Skuleleiaren som arbeidsgjevar og relasjonsbyggar
• Pedagogisk leiing
• Leiing og endring i organisasjonar
• Leiing av skular som regionale og lokale utviklingsaktørar
• Skuleleiing i den nye kommunen

Organisering

Studiet skal gjennomførast med to kull, kvart på om lag 30 deltakarar som er rekruttert gjennom Sogn regionråd. Første kull byrja 5.-6. september 2007 og har sluttvurdering våren 2009. Andre kull byrjar hausten 2008.

Studiet er bygd opp av åtte todagarssamlingar og arbeid mellom samlingane både på den einskilde skule og i andre grupper. Skuleleiarane i Sogn vil arbeide med lokalbaserte utviklingsprosjekt som også vil involvere lærarane, elevane og foreldra ved skulane. Samlingane vert i dei ulike kommunane i regionen.

Førstelektor Knut Roald er høgskulen sin prosjektansvarlege.

Formell kompetanse

For dei som gjennomfører arbeidskrava og tek eksamen, gjev studiet ei utteljing på 30 studiepoeng. Studiet vil då kunne gå inn som del av ein mastergrad.

Påmelding/opptak

Deltakarane er påmeldt gjennom Sogn regionråd .

»  Program for første samling »  Oversikt over samlingar

Sist endra av: Tone Skjerdal, 06. september 2007 14:09:55
Publisert av: Tone Skjerdal, 28. juni 2007 13:19:24