|
Raporttas čoahkkáigessojuvvojit ja ságaskuššojuvvojit abortalávdegottiid čoahkkádusa ja jagi 2003 doaimma erenoamáš geahču bohtosat. Geahčču álggahuvvui iskkádemiid vuođul mat čájehedje ahte lávdegottiid mearrádusain ledje guovlluid mielde erohusat ja go lávdegottiid iešguđetlágán árvvoštallamat leat boahtán ovdan abortalávdegottiid jahkásaš riikkaviidosaš konferánssain.
Dan dihte lea čuožžilan gažaldat abortaohcci riektesihkarvuođa hárrái.
Geahčču lea ođastan guovllulaš váidinlávdegottiid mat leat universitehtabuohcciviesuin, ja lea guorahallan ja dárkkistan dieđuid áššiin mat leat gieđahallojuvvon ovddasteaddji meari buohcciviesuid abortalávdegottiin. Geahčču čađahuvvui 2004 čavčča.
Geahčču ii fuomášan gustovaš njuolggadusaid rihkkumiid. Muhtun mearrádusat čájehit liikká ahte lávdegottit árvvoštallet iešguđetládje. Buohtastahtti áššiin sáhtii okta lávdegoddi mieđihit ja nubbi biehttalit, vaikko ii goabbáge gávnnahuvvon leat rihkkon njuolggadusaid. Dán vuođul konstatere Stáhta dearvvašvuođageahčču ahte lávdegoddortnet ii eastat ahte mearrádusat subjektiiva árvvoštallamiid vuođul sáhttet dahkat ahte lávdegottiid mearrádusat rievddadit dađi mielde guhte lávdegoddi daid dahká. Njuolggadusat mat eaktudit lávdegoddemearrádusaide eanet nyánsalaš ja duođaštuvvon ákkaid soaittáše váikkuhit dasa ahte buohtastahttinvejolašvuohta buorránivččii ja ahte abortaohcciid riektesihkarvuohta buorebut sihkkarastojuvvošii.
Geahču vásáhusat berrejit geavahuvvot kvalitehta buorideapmái, sihke báikkálaččat ja riikkaviidosaččat.
Geahččoraporttat:
Maŋemus ođastuvvon 11.2.2005
|