PREASSADIEĐÁHUS 19.04.2007
MARIT BREIE HENRIKSEN
SÁMI ALLASKUVLLA
OĐĐA PROREKTOR
Govven: Johan Isak Siri
Sámegiela Dr.gradastipendiáhtta Marit Breie Henriksen, Gámavuonas Álttá suohkanis eret, lea válljejuvvon ođđa prorektorin Sámi allaskuvlii 4-jáhkái 1.8.2007 rájes. Dálá prorektor Kristine Nystad geargá iežas prorektoráigodagain 31.7.2007.
Marit Breie Henriksenas lea guhkes ja máŋggabealát bargovásáhus Sámi allaskuvllas. Son lea e.e. doaibman direktoran oanehit áiggi Sámi allaskuvllas.
Prorektor lea allaskuvllastivrra nubbinjođiheaddji.
Lea ávkkálaš go maiddái ođđa prorektoris lea nu govda hálddáhuslaš- ja fágagelbbolašvuohta, ja allaskuvlla bealis illudit boahttevaš ovttasbargui, dadjá Sámi allaskuvlla direktora Anders J. H. Eira.
Eanet dieđut, váldde oktavuođa /For nærmere informasjon, ta kontakt med: Allaskuvladirektora/høgskoledirektør Anders J. H. Eira tlt. 78 48 77 00, mob. 976 78339
Ovddasvástideaddji / Ansvarlig: Risten Ravdna Länsman - tel. 78 48 77 07