Norggabealde studeanttat - Oktasaš sisaváldima/Samordna opptak
Oktasaš sisaváldima/Samordna opptak ohcanskovit, ohcanrávvagat ja
ohccigiehtagirjji oažžu dáro- ja sámegillii. Daid oaččut lagamus
bargokántuvrras, girjerádjosis, joatkkaskuvllas, allaskuvllas dahje
universitehtas Norggas. Oahppoduođaštusaid, bargoduođaštusaid dahje
sullasaččaid it galgga sáddet ohcanskovi mielde. Deike sáddet ohcamušaid
oahpuide, mat leat almmuhuvvon sáme-ja dárogillii
ohccigiehtagirjjis
(søkerhåndboka). Sáhtát ohcat interneahta bokte:
www.samordnaopptak.no.
Báikkálaš sisaváldima ohcanskovvi lea dáppe. Dát guoská oahppofálaldagaide
mat eai leat almmuhuvvon oktasaš sisaváldima bokte. Ohcamuša/-id mielddusin
galggat bidjat duođaštuvvon kopiijaid oahppoduođaštusain, bargoduođaštusain
jna. Ohcamuš sáddejuvvo njuolga Sámi allaskuvlii.
Ruoŧa-, Ruošša- ja Suomabeale ohcet báikkálaš sisaváldima buot oahpuide.