Olles
giehtagirji PDF-fiilan
Bures boahtin
Sámi allaskuvlla ja Sámi Instituhta kvalitehtavuogádahkii
Dáin siidduin gávnnat dieđuid Sámi allaskuvlla / Sámi Instituhta
kvalitehtavuogádaga birra, sihke ohccin, studeantan, bargin ja jođiheaddjin.
Dás gávnnat dieđuid iežat ovddasvástádusa ja rolla birra dan oktavuođas.
Deaddil Kvalitehtavuogádat.
Duogášdiehtu kvalitehtabarggu ja min vuolggasaji birra
Sámi allaskuvla lea bargan systemáhtálaččat kvalitehtavuogádaga huksemiin
2002 rájes, go dalle dohkkehii SA stivra vuosttaš kvaltehtabarggu
doaibmaplána. Dan plána vuođul lea kvalitehtabargu čađahuvvon dássážii.
Oahppokvalitehta bargu lea leamašan lunddolaš oassi Oahppolávdegotti ja
oahppohálddahusa doaimmain j dál lea vuogádat boahtimin sadjái maiddái eará
osiin ásahusas.
Sámi allaskuvlla višuvdna
Sámi allaskuvla lea njunoš eamiálbmot dutkan ja alit oahppo ásahus,
mii seailluha ja ovddida sámegiela, kultuvrra ja servodateallima. Njálmmálaš
árbevierut, luondduvuđđosaš máilmmeipmárdus ja árbevirolaš dábit eaktudit
min vuoiŋŋalaš árbbi ja birgejumi. Dieđalašvuohta ja árbevirolaš máhttu
giehtalaga boahttevaš buolvvaide.
Sámi allaskuvlla/Sámi Instituhta kvalitehtasihkkarastinvuogádaga giehtagirjji čuoggá 2.4 vuolde deattuhuvvo ahte:
Sámi allaskuvla lea eamiálbmotásahus, ja dat galgá vuhttot olles
ásahusa kvalitehtavuogádagas. Kvalitehta eamiálbmotperspektiivva ektui lea
vuođus buot doaimmain mat čađahuvvojit. Allaskuvla lea hábmen
kvalitehtasihkkarastin-vuogádaga viđa oassái: sisaváldinkvalitehta,
oahppokvalitehta, eksámenkvalitehta, dutkankvalitehta ja rámmakvalitehta.
Min eamiálbmotperspektiiva ja stáhtus dahká ahte mis leat guokte hástalusa kvalitehtadohkkeheami ektui, namalassii NOKUT gáibádusaid deavdin ja WINHEC gáibádusaid deavdin. Dát guokte geainnu kvalitehtavuogádaga ovdánahttimis buktet sihke hástalusaid ja gelddolaš vejolašvuođaid. Mii beassat doaibmat guovtti perspektiivvaid ektui; dábálaš majoritehtaservodatlaš perspektiivva ja mihttomeriid ektui ja min iežamet sámi/eamiálbmot perspektiivva ja mihttomeriid ektui. Dán ollisvuođas oaidnit mii ahte min kvalitehtasihkkarastin šaddá vel nannosabbon, ja dat bargu galgá čalmmustahttit ahte mii hálddašat goappaš arenaid.
Sámi allaskuvla / Sámi Instituhtta barget dál systemáhtalaččat kvalitehtavuogádaga buoridemiin ja bargu lea dál jođus oahpásmuhttit ja hástalit sihke bargiid ja studeanttaid buktit buoridanárvalusaid vuogádahkii. Jus dus leat buoridanevttohusat dahje gažaldagat, váldde oktavuođa Katarina Påve, katarina.pave [alfa] samiskhs.no