Dehalaš diehtu:
Ođđa ohcanáigemearri buot oahpuide lea
geassemánu 15. beaivi
Jus dus lea miella studeret ealli sámi birrasis, de boađe Sámi allaskuvlii – áidná sámegielat alitoahppoásahussii máilmmis! Sámi allaskuvllas ja Sámi instituhtas beasat nannet ja ovddidit sámegiela ja vásihit árbevirolaš máhtu ođđaáigásaš oktavuođain.
Allaskuvllas leat njeallje váldo
oahpposuorggi:
|
Sámegiella |
Boazodoallu, luondu ja duodji |
|
|
|
|
Pedagogihkka |
Servodat |
|
|
|
Sámi allaskuvlla oahput addet gelbbolašvuođa bargat sihke Sámis ja eará
servodagain. Allaskuvllas leat oktiibuot sullii 40 oahppofálaldaga, ja hábme
dađistaga ođđa oahpuid servodaga dárbbuid mielde . Dain fállá allaskuvla
jahkásaččat 15-20 iešguđet oahppofálaldaga. Oahpadettiin mii geavahit
ođđaáigásaš bargoneavvuid, earret eará giehtadihtoriid ja digitála kámeraid.
Sámi allaskuvllas leat studeanttat ja bargit olles Sámis: Norggabeal-,
Suomabeal-, Ruoŧabeal- ja Ruoššabeal Sámis.
Vaikko Sámi allaskuvla lea
unna skuvllaš gos leat sulli 200 studeantta ja 80 bargi, de dáppe lea
internášunála biras. Dáppe fállat eamiálbmotkurssaid, studeanttamátkkiid ee.
Fidjii, Nicaraguai, Guatemalai ja Nunavutii. Deike bohtet
eamiálbmotlogaldallit ja guossit ee. Ođđa Zelánddas, Australias ja Kanadas.
Sáhtát maid searvat University of Arctic oahpuide.
Eambbo dieđuid oaččot Sámi allaskuvlla oahpphálddáhusas. Váldde
roahkkadit oktavuođa, juos dárbbašat veahki.
Sámi allaskuvlla oahppohálddáhus
Hánnoluohkká 45
N-9529 Guovdageaidnu
Tlf. 78 48
77 18, 723
Fax: 78 48 77 02
studieadm@samiskhs.no
www.samiskhs.no