Ođđa
nr Sámi dieđalaš áigečállagis:
Ávvočála Ole Henrik Maggai
Sámi dieđalaš áigečállaga duppalnummar 2007 lea almmuhuvvon. Publikašuvdna lea ávvočála professor Ole Henrik Maggai guhte borgemánu 12. b. 2007 devddii 60 jagi.
Ole Henrik Magga lea viiddis doaimmaidis lassin leamaš maiddái guovddážis álggaheamen Sámi dieđalaš áigečállaga ja čállán artihkkaliid dasa.
Duppalnummaris leat logi dieđalaš artihkkala sámegillii, Ole Henrik Magga biografiija ja su dieđalaš bargguid listu.
Sámi allaskuvlla oahppojagi 2007/2008 almmolaš rahpan
Sámi
allaskuvlla ođđa rektor, Steinar Pedersen:
- Sámegiela boahtteáigi vuođđuduvvo odne ja movt mii atnit giela
beaivvalaččat. Sámi allaskuvllas lea sámegiella váldogiella buot
doaimmain, ja dat lea hirbmat dehalaš seailluhandihte sámegiela.
Sámi
allaskuvlla stivra studeantaáirras Karen Maret Saras leat stuora vuordámušat
ođđa oahppojahkai ja logai ahte buohkat, sihke bargit ja oahppit sáhttet ja
berrejit váikkuhit buori oahppobirrásii. Son logai muđui ahte sámivuođa
seailluheapmi gáibida ahte mii njulgestaga fáktet ja váruhit
árvvusatnindihte sámivuođa.
Guosselogaldalli Else Grete Broderstad, Sámi dutkan guovddáža
jođiheaddji, Romssa universitehtas, gis deattuhii ahte sámi dutkan galggašii
dollojuvvot nanusin máŋgga ásahusain ja dat gáibida buori ásahusaidgaskkasaš
ovttasbarggu.
-Sihkkareamus
vuohki šadda Sámedikki presideantan lea bargat Sámi allaskuvllas.
Nu leaikkastalai professor Ole Henrik Magga Sámi allaskuvlla almmolaš rahpandoaluin. Son gudnijáhttojuvvui 60-jagi beivviinnis earret eará ávvočállagiin, Sámi dieđalaš áigečála nr. 1-2, 2007, ja skeaŋkkain mii addojuvvui SAIH nammasaš humaniteara organisašuvdnii, nugo Magga lei sávvan.
GÁVNOS - Diehtogihppa oahpahussii sámiid birra
Oahpahusdirektoráhtta almmustahttá odne
diehtogihppaga oahpaheddjiide.
- Gávnos lea buorre álgu, ja lea viiddis bargu fállat Norgga
oahpaheddjiide kurssa Sámi historjjás ja kultuvrras ođđa oahppoplánaid ektui,
lohká Sámi allaskuvlla rektor Steinar Pedersen.
Ođđa sámi ofelaččat
Golbma ođđa sámi ofelačča
oahpásmahttojuvvojedje Riđđu Riđđu festiválas. Sii leat njealját ofelašgázzi
geat deaivvadettiinneaset eará nuoraiguin, galget ovddidit áddejumi ja
beroštumi sápmelašvuođas.
Govas gurutbealde: May-Synnøve Trosten, Berit Kristine Andersen Guvsám ja Brita Iren Thomasson. Govven: Johan Isak Siri.
Loga eambbo
(Bargo- ja searvadahttindepartemeanta)
Sámi allaskuvllas ođđa stivra
Borgemánu 1. beaivvi rájes doaibmagoahta ođđa stivra.
Beate Mortensen Nesheim:
Báikkis báikai
Berit Magga Somby orru jahkebeale siseatnamis Kárášjoga lahka, ja nuppi jahkebeali Porsáŋgguvuonas. Filmmas čuovvut su giđđájohttimis bohccudisguin, mátkki su guovtti ruovttu gaskkas.
http://www.riddu.com/film-program-overview.523670.html
Sámi
allaskuvlla oassálasttii UArctic-čoahkkimis mii dollojuvvui
Arkhangelskas gieskat
Vuokko Hirvonen ođđa professora
Sámi allaskuvlla stivra lea odne bidjan virgái fil.dr. Vuokko Hirvonen professoran sámi girjjálašvuođas ja skuvladutkamis.
Gonagas guossin
Mánnodaga 11.06.2007 bijai Májesteahtta Gonagas Harald V vuođđogeađggi ođđa Sámi dieđavisttái Guovdageidnui.
"Diehtosiida"
Lea leamaš nammagilvu ođđa sámi dieđavisttái. Badjel golbmalogi evttohusa ledje bukton. Lávdegoddi mii meannudii ášši válljii nama Diehtosiida. Rauna Kuokkanen dat lei evttohan nama, ja nu maid vuittii 10 000 ruvnno.
Geahča
manne justte "Diehtosiida"
Oktasaš interneahttasiiddut
Sámi allaskuvllas ja Sámi Instituhtas lea dá ođđá ja oktasaš interneahttasiiddut. Dieđut oahpahusaid, dutkama ja eará ásahussii guoskkevaš dieđut leat čoahkis ovtta báikkis.
FUOM: Dát siiddut leat nu varrasat ahte buot ii leat vel doaimmas. Muhto dat bohtet.... Doaimmaheaddji: johanisak@nsi.no
Ovttasbargu gaskkal Sámi allaskuvlla ja Statoil ASA
Sámi allaskuvla ja Statoil ASA leaba vuollaičállán šiehtadusa man ulbmil lea ovttasbargu guhkit áigái. Sámi allaskuvllas ja Sámi Instituhtas lea fágalaš máhttu álgoálbmot perspektiivvas mainna ovttasbargguin Statoilain sáhttá hábmet ja kvalitehtesihkkarasttit boahtteáiggi oljo- ja gássabohkkámiid mat guoskkahit álgoálbmogiid.
Polárjahki 2007-2008
Álgoálbmogiid riikkaidgaskasaš Polárjagi rahpan Guovdageainnus guovvamánu 14. beaivvi 2007
Polárjahki lea máilmmi stuorimus koordinerejuvvon dutkandoaibma, mas leat badje 60 000 oassálasti dutki. Álgoálbmogiid riikkaidgaskasaš Polárjahki 2007/2008 rahppo Guovdageainnus guovvamánu 14. beaivvi 2007.
Erenoamaš akademalaš biras
18 bargi geain lea doavttir-gráda. Dasa lassin leat vel 20 váldime doavttir-gráda. Sámi allaskuvllas ja Sámi Instituhtas Guovdageainnus lea erenoamaš akademalaš biras, -Sámi "Harvard University". -Ulbmil lea gea ásahit Sámi Universiteahta, dadjá rektor Mai Britt Utsi NRK Sámi Radioi.
Loga eambbo
(NRK Sámi Radio)
Geahča govváráiddu
Lullisámegiela ealáskáhttin Elgåas Engerdal suohkanis
Sámedikki giellaealáskáhttinprošeavttas Elgåas lea dál ráporta gárvvis. Sámi álbmotbeaivvi lei seminára Elgåas ja doppe almmuhuvvui ráporta.
Go
kultuvra šadda siválažžan
- Sámi árbevierru ja kultuvra ii ábut adnojuvvot sivalažžan áššiin main váttisvuođat leat áibbas eará, dadjá dutki Rauna Kuokkanen Guovdageainnu verrošanáššiid birra. Son lei okta álgoságadolliin Davviriikalaš Sámi Dásseárvokonferánssas.
Loga eambbo
(olggobeal gáldu, dárugillii)
Steinar
Pedersen ođđa rektor
Dr.philos. Steinar Pedersen, Deanus eret, lea válljejuvvon ođđa rektorin Sámi allaskuvlii 4-jáhkái 1.8.2007 rájes. Rektor lea allaskuvllastivrra jođiheaddji ja son lea ásahusa bajimus fágalaš jođiheaddji.
Marit Breie Henriksen ođđa prorektor
Sámegiela Dr.gradastipendiáhtta Marit Breie Henriksen, Gámavuonas Álttá suohkanis eret, lea válljejuvvon ođđa prorektorin Sámi allaskuvlii 4-jáhkái 1.8.2007 rájes. Dálá prorektor Kristine Nystad geargá iežas prorektoráigodagain 31.7.2007.
Čorvoš-bálkášupmi "Ailo čavge davas"-filbmii
Sámi Instituhta dutki Solveig Joks oaččui daid beassážiid Čorvoš-bálkkášumi "Ailo čavge davás" dokumentára filmma ovddas.
Oahppofálaldagat 2007-2008
Jus dus lea miella studeret ealli sámi birrasis, de boađe Sámi allaskuvlii – áidná sámegielat alitoahppoásahussii máilmmis! Sámi allaskuvllas ja Sámi instituhtas beasat nannet ja ovddidit sámegiela ja vásihit árbevirolaš máhtu ođđaáigásaš oktavuođain.
Professor Ole Henrik Magga
Norgga dutkanráđi váldostivrii
Professor Ole Henrik Magga lea nammaduvvon Norgga dutkanráđi váldostivrii. Magga nammadeapmi Norgga dutkanráđi váldostivrii boahtá nannet sáme-dutkama sajádaga Norgga dutkanvuogádagas. Dát nammadeapmi lea erenoamáš deahálaš sámedutkama boahtteáigái.
Raporta boazologu heiveheamis Oarje-Finnmárkkus
Sámi allaskuvlla / Sámi Instituhta bargit leat ovdanbuktan Oarje-Finnmárkku boazologu heiveheami guorahallama. Prošeaktajoavku: Solveig Joks (prošeaktajođiheaddji), professor Ole Henrik Magga, professor Svein D. Mathiessen ja sivilaekonoma Issát Mathis Henriksen. Boazodoalostivra lea diŋgon raportta.
Álgoálbmogiid árbeviirolaš máhttu
lea maid dieđa
Instituhttajođiheaddji/dutkandirektevra dutkama ja gelbbolašvuođa dárbbuid birra davviguovlluid álgoálbmogiidda.
Sámi allaskuvla hálida davviriikalažžan ja buotsámin
Sámi allaskuvlla stivra mearridii duorasdaga juovlamánu 14.b. ohcat Máhtto-departmeanttas lobi ásahit davviriikalaš ja buotsámi stivrra allaskuvlii. –Sámi oahppu ja dutkan lea rájiid rastildeaddji. Dan dihte lea dehálaš ahte Sámi allaskuvlla stivrra oktibidjan govvida dan, dadjá rektor ja stivrajođiheaddji Mai Britt Utsi.
Sámi dieđalaš áigečála
Ođđa nummár almmuhuvvon
Loga eambbo
(pdf)