Universitetsdirektør Kåre Rommetveit og kollegierepresentant
Åshild Fløisand meiner Statsbygg bruker for lang tid å få
kostnadene på det nye Studentsenteret. - Eg syns ikkje dette
har tatt lang tid, seier prosjektleiar Grete Sætrang i Stats-bygg.
|
 |
Uforståande. Prosjektleiar Grete Sætrang i Statsbygg
har inntrykk av at alle partar er godt nøgde med planlegginga
av det nye Studentsenteret. (Arkivfoto: LARS MYREN
HOLAND)
|
Universitetsdirektør Kåre Rommetveit er utolmodig når det
gjeld nytt Studentsenter. I ei orienteringssak til Det Akademiske
Kollegium (DAK) går det fram at Rommetveit meiner planfasen
tek unaudsam lang tid. Studentrepresentant i DAK, Åshild
Fløisand, er heilt einig med direktøren.
- Det har tatt altfor lang tid å få kostnadene, og det dukkar
heile tida opp nye ting som må gjerast og sjekkast frå Statsbygg
si side. Dette forsenkar prosessen med nytt studentsenter,
meiner Fløisand. Då arkitektkonkurransen vert avslutta,
var målet å få til byggestart allereie neste år. Med optimal
sakshandsaming kan det no tidlegast bli byggestart i 2004.
Kollisjonskurs
Fløisand meiner også at eigedomsavdelinga ved UiB si
haldning ikkje medverkar til å få fortgang i saka.
- Eigedomsavdelinga har ikkje lagt nok press på Statsbygg
for å få kostnadsrammene på nytt Student-senter klart. Politisk
hadde det ikkje vore noko problem å få bevilga midlar på
revidert statsbudsjett til hausten, meiner studentrepresentanten.
Ho meiner det er alvorleg når eigedomsavdelinga sender ut
signal om at progresjonen i arbeidet er tilfredsstillande,
medan universitets-direktøren ikkje er tilfreds.
- Dette må følgjast opp i DAK, meiner Fløisand. Universitetsdirektør
Rommetveit trur det er lite han kan gjere for å skunda fram
prosessen.
- Vi får berre håpe at dei andre brikkane, som finansiering,
fell på plass i rett tid, seier Rommetveit.
Er uforståande til kritikk
Prosjektansvarleg for Studentsente-ret i Statsbygg, Grete
Sætrang, stiller seg uforståande til Fløisand sin kritikk,
og meiner ikkje det har tatt for lang tid å prosjektere
kostnadene for det nye bygget på Nygårdshøyden.
- Eg syns ikkje dette har tatt lang tid, progresjonen har
gått som planlagt, seier Sætrang. Ho kjenner ikkje til Universitets-direktøren
sin kritikk av Statsbygg, og har tvert imot inntrykk av
at alle partar er godt nøgde.
Godt samarbeid med Statsbygg
Universitetets eigedomssjef, Martha Knapskog Skauge, er
heller ikkje einig med Fløisand om at Statsbygg bruker unaudsam
lang tid.
- Vi har eit godt samarbeid med Statsbygg. Dei har god erfaring
med kva som må til av tid i eit slikt prosjekt, hevdar Skauge,
og legg til:
- Ein kan ikkje få denne prosessen til å gå fortare, prosjektet
kan ikkje leggast fram for Stortinget før forprosjektet
er ferdig i mars månad neste år. Skauge vil ikkje kommentere
brevet frå Universitetsdirektøren til DAK, men påpeikar
at dei snakkar mykje saman og at dei to partane ikkje er
på kollisjonskurs.
