På tur med Terje
Ein stein smeller i bakken nokre meter frå der vi står. Så kjem braket frå eksplosjonen, og litt etter er det nokon som ropar «Varsko her!».
– Ser du? Det er livsfårleg å ferdast her, ropar vi til Terje som ruslar vidare bort mot tunnelinnslaget på den nye stamvegen sørover som går gjennom Os kommune.
– Slapp av mann, ropar Terje utan å sjå opp. Han sparkar til ein pukkstein som kjem trillande.
– Sjansen er større for å bli treft av lynet enn av stein frå fjellet her, held han fram og klappar den bratte fjellveggen. Eit stykke fjell losnar og knuser ved føtene hans. Terje står heilt roleg. Det bryggjer opp til uver.
– Her skal det bli fin veg, seier han.
– Fire felt, bortover slik, seier han og peikar mot kyrkja og nokre fine gamle hus i sentrum.
– Eg har personleg sørgja for at dei legg vegen om sentrum, på den måten får vi nok endå meir omsetning på Esso-stasjonen. Den er det svigerinna mi som driv, fortel han og fomlar med ein munnspray.
– På det viset skal dei nok få konkurranse på Shell ja.
– Det er synd de ligg for langt ute til å få del i bybanen, seier vi medan vi stadig held utkikk etter nye steinar.
– Slapp av, bybane skal det nok bli når vi berre får lagt den nye hovudflyplassen hit.
– Hit til sentrum?
– Kall det kva du vil, no skal den idiotiske Shell-stasjonen få smake samferdsel. Flynor kanhende vi skal kalle den. Det skal bli hangarar og flystriper og alt som skal til. Og alle må handle flybensin og flysnop på Esso. Ingen skal seie at Frp ikkje er for samferdsel. Terje stappar ein Krembanan-sjokolade i munnen med papiret på, og bit til. Vi held oss for øyrene.

Kvalitets-
reformen

Siste artikkel:
2. oktober 2002
Antall artikler: 20

Boligsituasjonen