Forrige måndag vart Bergens nye praktbygg opna. Foran
200 inviterte gjestar opna kong Harald Bygg for biologiske
basalfag (BBB). Men studentane blei haldne langt unna.
|
 |
HIT. Lenger kom ikkje medisinstudentane Vegard
Vevatn (t.v) og Tomas Sørbø då kong Harald skulle
opne bygget deira. Det sørga politiet for.
|
- Vi vart møtt av politiet 100 meter før inngongen til
BB-bygget, og fikk høyre at all undervisning var avlyst.
Vi fekk ikkje kome inn eller vere i nærleiken, seier Tomas
Sørbø og Vegard Vevatn. Dei er begge medisinstudentar
på fyrste året, og blant dei som fekk merke best at kongebesøket
ikkje var meint for studentar:
• Lesesalar både på BBB og Haukeland var stengte.
• Gangtunellen mellom Haukeland og BBB var stengt.
• Kantina, der kongen og hans følgje fekk servert koldttallerken
seinare på dag, var stengt.
Andre studentar Studvest har snakka med, tykkjer ikkje
den totale utestenginga var særleg bra handtert. Mellom
anna fekk mange ikkje tilgong til bøkene i bokskapa sine,
og haukelandområdet var overfylt av svoltne studentar.
Sørebø tykkjer det er pussig at kongen ikkje fekk møte
studentar under opninga.
- Vi er jo skuffa, det hadde vore naturleg at studentar
fekk vere med. Det er jo her vi er, seier han.
| |
BB-BYGGET
|
• Bygg for biologiske basalfag (BBB) vart
offisielt opna av kong Harald sist måndag,
men har vore i bruk sidan mai.
• Største «leigetakar» er Dei prekliniske
institutta, som aleine tar opp fem etasjer.
Mykje av aktiviteten til Psykologisk fakultet
og Odontologisk fakultet føregår også på BBB.
• Bygget er rekna for å vere det mest teknisk
avanserte i Noreg etter Rikshospitalet. Statsbygg
har jobba med bygget sidan 1998.
|
|
Berre dei utvalde
- Dei som var inviterte, sat i styrer og utval tilknytta
bygget, seier Johs. Teigland, direktør ved Medisinsk fakultet.
Sjølv var han blant dei 200 utvalde, saman med universitetsstyret,
representantar for tilsette, og styrer i ulike helseføretak.
Åtte studentar fekk gleda av å sjå kong Harald opne bygget,
to frå Universitetsstyret og to frå kvart av fakultetsstyra
som held til i bygget. Stenginga av lesesalane ynskjer
han ikkje å kommentere.
- Ikkje for kven som helst Fakultetsdirektør Teigland
tykkjer ikkje studentane har mykje å klage over.
- Alle 4000 med tilknytting til dette bygget kunne ikkje
ha vore med, det er umogleg, seier han og viser til tryggleiksreglar
frå politiet. Informasjonsleiar i Hordaland politidistrikt,
Trygve Hillestad, forsikikrar at det ikkje var studentar
i seg sjølv poliet var ute etter. Det var, som med andre
kongebesøk, menneskje som ikkje hadde noko der å gjere.
- Kven som helst skal ikkje kunne surre rundt når kongen
er tilstades, seier han.
Såg Harald frå balkongen
Cecilie Totland var blant dei som såg kongen, sjølv utan
invitasjon. Ho og fleire andre kunne sjå opninga frå ein
balkong i sjette etasje. Ved å seie at ho jobba på BBB,
sneik hovudfagstudenten seg gjennom politisperringane.
Saima Butt, også hovudfagsstudent, var meir uheldig og
kom ikkje forbi politiet.
– Å ikkje kome inn var det mest provoserande. Eg fekk
beskjed frå politiet om å kome meg ut av vegen, for kongen
skulle kome.
– Ser poenget
Ved Det kongelege slott finn ikkje informasjonsrådgjevar
Sven Gjerulfsen «det naturleg å ha noko meining» om kongen
var misnøgd med å ikkje møte studentar under opninga.
Planlegginga av seremonien tok heller ikkje Slottet del
i. Det gjorde derimot universitetsdirektør Kåre Rommetveit.
- Eg kan skjønne at mange studentar har reagert på at
dei ikkje kom inn, men så var heller ikkje plasstilhøva
dei beste, seier Rommetveit.
Fem på BB-bygget
1. Kva syns du om at studentar ikkje fekk vere med då
kongen opna BBB?
2. Ville du ha vore med på opninga om du fekk lov?
 |
|
Susanna Prokes
Tannlegestudent
1. Litt urettferdig, bygget er jo for oss, så
vi burde fått sett kongen. Alle burde fått bløtkake,
ikkje berre Harald.
2. Om eg fekk kake, så. Ja, eg hadde nok kome.
|
 |
|
Øystein M. Aasen
Medisinstudent
1. Heilt håplaust. Det er vi som skal vere i bygget.
2. Ja. Det hadde vore kult å sjå kongen.
|
 |
|
Håvard Skytterholm
Medisinstudent
1. Forståeleg, sidan det var mange andre som skulle
verer med. Dei var sikkert viktigare enn oss.
2. Ja, klart. Harald er jo konge.
|
 |
|
Unoda Amanda
Chakalisa Medisinstudent
1. Litt teit, BBB er for studentar. Det hadde vore
betre om vi kunne ha vore med.
2. Ja, eg ville gjerne ha sett den offisielle opninga.
|
 |
|
Ingrid Opshaug
Tannlegestudent
1. Veldig kjipt, tryggleiken tar overhand.
2. Ja, hadde venta lenge på at bygget skulle opnast.
Det var artigt at kongen kom.
|
