På tur med Terje
– De studentane trur at de har så god greie på alt mogeleg, berre fordi de har lest nokre bøker, seier Terje hånleg og knaskar i seg ein liten kvit sopp. Vi har nett kome med nokre små åtvaringar om at det kanskje hadde vore lurt med ei sopp-bok når ein skal på sopptur.
– Ser de? Eg er like fin eg, seier han og slår ut med hendene.
– De studentane er pina-de så pysete at det er ikkje til å tru, seier han og legg innpå eit par spisse små soppar til.
– Kva skal du eigentleg med all den soppen, lurer vi.
– Eg og kona mi skal ha middag for dei dåsemiklane i KrF og då skal eg lage soppstuing, gliser han.
– Skal seie ein føler seg lett og frisk her ute i skogen, ropar han medan han trakkar saman soppen i sekken for å få plass til litt meir. Nedste del av sekken mørk og våt, og det renn brunaktig soppsaft ut av botnen.
– Dette skal bli noko til soppstuing. Eg fekk ideen i fjor haust då vi serverte soppstuing på ein partimiddag. Carl Ivar hadde ansvaret for å prøvesmake soppstuingen, og før resten av maten kom på bordet hadde han forsvunne ut døra med trusa som hjelm på hovudet. Vi greidde å fange han att, kliss naken medan han prøvde å fange ein saud. Det kunne blitt furore hvis vi ikkje hadde fått tak i han. Vi brukte tre dagar på å få han nykter. Hvis vi berre kunne fått til noko slikt med dei KrF-løkane... Det rykkjer i nakkemusklaturen til Terje der han står med ryggen til. Han har samla allslags sopp i lystige fargar, og stappa dei ned i ein stor ryggsekk som han har med.
– Eg føler meg veldig, veldig lett faktisk... Han ser stivt på oss og svaiar litt.
– Nei, sjå der, ropar han høgt endå vi står like ved.
– Der er pina-de ein nisse. Ein KrF-nisse... Drep han! Så legg Terje i veg inn under granene. Vi klarer ikkje henge på. Snart ser vi han oppe i høg gran langt borte.
– Eg kan flyge, jublar han ned til oss og kastar seg over til ein annan topp som han akkurat får tak i.
– Kom og flyg de og, ropar han.
– Hi, hi, hiiii... veldig bra..! Så kastar han seg vidare, og snart er han ute av synet. Vi ruslar heimover. Langt borte høyrer vi eit svakt dunk.

Siste artikkel:
3. september 2003
Antall artikler: 42

Kollektivrabatten