På tur med Terje
Terje står med skinnjakke, naglebelte og cherrox-støvlar, og ser nedover gata medan lystig janitsjar-musikk strøymer ut gjennom vindauga. Han kviler eine handa på ein tuba. Martin Schanche står atmed han og tygg på ein pakke frosen kjøtdeig.
– Dette skal få fart på populariteten hjå ungdomen, seier Terje kynisk. Den sjølvgode fisken Hermann skal få sjå..
– Kven Hermann, lurer vi.
– Hermann Friele, din sopp. Han har fått slik blest med det patetiske frieriet til rocke-ungdomen, så det skal vi også gjere. Vi skal spele heavy metal og ete rått kjøt, forklarer han.
– Sjå på Martin, ser han ikkje ond ut? Martin svel unna ein stor bit rå kjøtdeig, pustar djupt og tek ein ny bit. Han ser litt kvalm ut.
– Er du så sikker på at heavy-metal og brass band er det same, prøvar vi...
– Ikkje du kome her og belære meg, din lesehest. Vi les aviser i Framskrittspartiet og. Andelen avislesarar i partiet har faktisk gått opp 400 prosent siste veka, seier han tek nokre prøvande tut på tubaen.
– Tubaen er størst innan metallinstrument, gliser han.
– Dette er nok ein real damemagnet. Skulebussen kjem køyrande forbi og sakkar farten for å sleppe av nokre elevar, og i det same kastar orkesteret på platespelaren seg ut i ein øyredøyvande versjon av Gammel jegermarsj.
– Her skal du få sjå korleis ein sjekkar rips, gaular Terje og sparkar fotografen ned frå trappa før han sprintar bort mot skulebussen. Ungdomane vert redde og legg på sprang dei óg. Snart er alle langt borte. Men i det fjerne kan vi framleis høyre svak tuting og nokon som skrik. Vi går inn og slår av stereoanlegget.

Dum skrivefeil

I førre utgåve av Leikestove hadde de med ein skrivefeil i På tur med Terje-spalten, som eg la godt merke til, skriver Gard Bahncke-Sjøtt som gjeng på nordisk mellomfag. Der hadde de skrive «Pina-det» i staden for «Pina-dø» som det eigentleg heiter. «Pina-dø» er eit kjært gamalt banneord. Det kjem av norrønt, og betyr at du vil at bestevennen din skal døy pinefullt innanfor ei kort tidsperiode, medan «Pina-de» er ein heilt missforstått bruk av dette banneordet. Det tykte eg var utruleg teit, og den har eg tenkt å sende inn til Bergens Tidende, til den spalta på baksida som trykker slike teite ting.

Leikestovereaksjonen beklagar at førre veke sitt løysingsnamn kunne tolkast som tekstreklame for eit større kredittkortselskap. Klagen vart framsett av eit anna større kredittkortselskap, men dei kan ikkje bevise at vi har motteke verken pengar, eller gratis pizza, for å bruke akkurat dette namnet som løysingsnamn - eller at det var dette som skulle vere løysingsnamn. Faktisk, hevdar vi i Leikestoveredaksjonen, var det ikkje dette namnet som skulle vere løysingsnamn uansett, men eit heilt anna namn. For eksempel Prpl. Prpl er ein gamal hebraiske måten å skrive Paraply på.

lfu@studvest.no

Siste artikkel:
3. september 2003
Antall artikler: 42

Kollektivrabatten