På tur med Terje
– Eg er misfornøgd med satanistane i denne byen, nesten ropar ein oppgitt og skuffa Terje Søviknes på telefonen til Leikestove.
– Eg er sikker på at han var satanist, for han hadde satanistskjegg med fletter i, og satan-augelinser og allting...
– Kven snakkar du om, lurer vi.
– Ein av desse bleikfeite bøtteknottane med svart sminke og skinnfrakk og piggar på cowboystøvlane vel. Er det ikkje meininga at dei skal vere onde? Vi følgde etter ein som såg kjempeond ut, i over to timar, for å ta bilete av han når han gjorde noko ondt. Men akkurat då vi trudde han skulle til å denge ei gammal kjerring, så opna han butikkdøra for henne i staden. Hadde han vore ein skikkeleg satanist kunne han i det minste trakka på tomatane hennar! Og vi trengde bileta til den neste valgplakaten vår, for å skremme pensjonistane til å stemme FrP. Terje er så skuffa at han nesten er på gråten.
– Gamla berre kvein; «Guu for en sjækk gutt», hermar Terje. «Mitt barnebarn er også gother. Han og vennene hans kommen hjem til meg nesten hvæær mandag og spiser dogger og spiller disse rollespillene. Men det blir litt for kjedelig for oss venninnene, så vi spiller poker i dagligstuen...»
– Ho berre skravla iveg, og var ikkje redd for satanisten i det heile! Korleis meiner ho at det skal gå an å drive politikk i dette landet!

Siste artikkel:
3. september 2003
Antall artikler: 42

Kollektivrabatten