Semesteroppgåve i engelsk språk

Mål og innhald

I engelsk språk på 200-nivå tek studentane det same kurset som anten ENG211 (skoleeksamen) eller ENG251 (semesteroppgåve).

Kurset har som mål å gi studentane innsikt i sentrale tema i engelsk språkhistorie og moderne engelsk lingvistikk. Det skal også øva opp evna til reflektert og sjølvstendig analyse av språkvitskaplege spørsmål gjennom arbeidet med semesteroppgåva.

Den språkhistoriske delen av emnet er ei innføring i viktige aspekt ved den historiske utviklinga av engelsk. Den kan ta opp fleire av stadia i denne utviklinga, eller konsentrera seg om ein periode. Kurset kan omfatta språktekstene såvel som språkinterne tilhøve, og ta for seg trekk ved ord- og setningsstruktur, uttale, vokabular og staving. Normalt vil det òg omfatta studium av primærtekstar frå tidlegare stadium av språket i tillegg til teoretisk litteratur.

I moderne engelsk lingvistikk studerer ein teoriar og/eller metoder som kan nyttast til å skildra moderne engelsk (Present-Day English) språkbruk frå eit vitskapleg, lingvistisk perspektiv.

Dei studentane som vel ENG251, skriv ei rettleidd semesteroppgåve i eit tema frå anten språkhistorie eller moderne engelsk lingvistikk. Tema vel dei i samråd med faglærar.

ENG251 eller ENG252 eller tilsvarande er ein obligatorisk del av spesialiseringa i engelsk. Studentar som tek to emna i engelsk på 200-nivå, vel anten emna ENG211 og ENG252 eller ENG212 og ENG251.

Læringsutbyte/resultat

Studentane vil etter fullført emne ha utvida kunnskap om engelsk språk i eit moderne og historisk perspektiv. Dei vil ha innsikt i prinsippa for språkendring generelt og kunnskap om endring i engelsk spesielt, og ei djupare forståing av mange av dei særtrekka som karakteriserer engelsk språk i dag. Studentane har utvikla ei grunnleggjande forståing av ein eller fleire lingvistiske teoriar og har fått øving i å bruke lingvistiske metodar til å kasta lys over aspekt ved det engelske språket. Dei skal vera rusta til å greia ut om og analysera engelsk språkbruk. Studentane skal òg ha utvikla analytiske dugleikar og ei vitskapleg haldning til språket.

Gjennom arbeidet med semesteroppgåven har dei øvd opp ei kritisk og sjølvstendig haldning til språkvitskaplege problemstillingar og vist at dei er i stand til å gi ei god skriftleg og munnleg framstilling av fagområdet sitt på engelsk.

Undervisningssemester

Vår

Undervisningsspråk

Engelsk

Studienivå

Bachelor

Krav til studierett

Emnet er ope for alle med studierett ved UiB.

Krav til forkunnskapar

Det er ingen formelle krav til forkunnskapar, men pensumet og undervisninga har likevel som føresetnad at studentane har solide kunnskapar i engelsk grammatikk og fonetikk, som svarar til gode resultat frå emna ENG101 og ENG106.

Tilrådde forkunnskapar

Ein rår til at studentane har fullført førstesemesterstudiet og ENG101, ENG106, ENG122, ENG125 (ENG123/ENG124) eller tilsvarande. Særskilt vil ein på det sterkaste rå til at studentane ha fullført EXFAC00SK Språk og kommunikasjon, ENG101 og ENG106 med godt resultat, eller har tilsvarande kunnskapar (jf. Krav til forkunnskapar).

For studentar med annan bakgrunn er det tilrådd med eit engelsknivå tilsvarande B2 i samsvar med the Common European Framework of Reference for Languages.

Undervisning og omfang

Seminar: 2 x 2 timar pr. veke. Totalt 48.

Obligatoriske arbeidskrav

Studentane har rett og plikt til rettleiing i arbeidet med semesteroppgåva. Minimum to rettleiingsmøte er obligatoriske. Studentane pliktar å halda dei fristane for innleveringar og rettleiing som vert sette av faglæraren. Studentar som ikkje fylgjer desse retningslinene, misser retten til å ta eksamen i emnet.

Vurderingsformer

Eksamen i ENG251 blir arrangert kvart semester.

Eksamen er ei rettleidd oppgåve på 4-5000 ord (tilsvarande 12-15 sider), litteraturliste og vedlegg ikkje medrekna, over eit tema som studentane vel i samråd med faglærar.

I tillegg er det ei munnleg prøve der studentane blir eksaminerte i heile pensum og i den rettleidde semesteroppgåva. Oppgåva må vere greidd før ein kan gå opp til munnleg prøve. Den munnlege prøva får eigen karakter.

Ved fastsetjing av endeleg karakter for emnet tel semesteroppgåva to tredelar og den munnlege prøva ein tredel. Ein må få ståkarakter i begge prøvene for å få ståkarakter i heile emnet.

Semesteroppgåva fyller kravet til det sjølvstendige arbeidet som skal gå inn i ein bachelorgrad.

Karakterskala

Ved sensur nyttar ein karakterskalaen A-F, der F er stryk.

Læremiddelomtale

Pensum kan omfatta både språklege primærtekstar og språkvitskaplege tekstar.

Undervisningsstad

Bergen

Emneevaluering

Undervisninga blir evaluert i tråd med UiB sitt kvalitetssikringssystem.

Kontaktinformasjon

studierettleiar@if.uib.no