Examen facultatum - Samfunnsvitskaplege tenkemåtar

Mål og innhald

Emnet skal gjere studentane kjende med samfunnsfaga si historie og gi ei innføring i sentrale samfunnsvitskaplege omgrep, metodar og tenkjemåtar. Det skal formidle kunnskap om dei ulike samfunnsvitskaplege disiplinane sine særtrekk så vel som deira fellesfaglege grunnlag.

Det vert gitt ei innføring i samfunnsvitskapane si framvekst og utvikling fram til i dag, med vekt på klassiske tema og sentrale omgrep i faga. Ulike metodar, omgrep og modellar som samfunnsforskarar nyttar eller forutset i si forsking vert også introdusert. Bruk av teori, modellar, metode og empiri i samfunnsvitskapen blir kasta lys over gjennom eit utval av teoriar om sentrale samfunnsforhold. Emnet vil også ta opp tilhøvet mellom (den/dei) utforska, forskar og samfunn.

Læringsutbyte/resultat

Etter å ha avslutta emnet skal studenten kunne

• Gjere greie for hovudtrekk i samfunnsvitskapane si framvekst og utvikling fram til i dag og kjenne til dei samfunnsvitskapelege faga sitt fellesfaglege grunnlag og eigenart.

• Gjere greie for ulike hovudtypar samfunnsvitskaplege modellar av kva mennesket er og korleis menneske handlar.

• Gjere greie for nokre grunnleggande skilnader mellom omgrep frå dagleglivet og vitskapelege omgrep.

• Gjere greie for ulike omgrep og teoretiske perspektiv i samfunnsfaga, om bl.a. rasjonalitet og sosial orden og beskrive nokre av samfunnet sine basisinstitusjonar, bl.a. utdanning og familien.

• Gje døme for bruken av teoriar, modellar, metode og empiri i samfunnsvitskapane gjennom å vise til samfunnsvitskapelege perspektiv på sentrale forhold i samfunnet.

• Gjere greie for kvalitative og kvantitative forskningsopplegg og ulike strategiar for datainnsamling som vi finn i samfunnsvitskapane.

• Vise innsikt i høvet mellom (den/dei) utforska, forskar og samfunn.

• Reflektere kritisk over samfunnsvitskapleg forsking og vitskapelege verdiar.

Undervisningssemester

Haust

Eksamenssemester

Haust og vår

Undervisningsspråk

Norsk

Institutt

Sosiologisk institutt, Institutt for informasjons- og medievitskap, Institutt for geografi, Institutt for samanliknande politikk, Institutt for administrasjon og organisasjonsvitskap

Fagleg overlapp

For å få ein bachelorgrad ved Det samfunnsvitskaplege fakultet må minimum 10 / maksimum 20 studiepoeng innføringsemne/exfac-emne vere avlagt (utanom ex.phil.). SV-fakultetet har følgjande innføringsemne/exfac-emne: SV100, AORG100, ECON100, GEO100, GLOB101, INFO100, MEVI100, SAMPOL100, SANT101 og SOS100. Exfac-emne frå andre fakultet/institusjonar gir fritak for dette gradskravet.

Undervisning og omfang

Førelesingar

Talet på førelesingstimar: 20-24

Obligatoriske arbeidskrav

Ei innleveringsoppgåve (ca 2000 ord). Oppgåva må vere godkjent før eksamen.

Godkjente obligatoriske arbeidskrav er gyldig i det aktuelle eksamenssemesteret samt det påfølgjande eksamenssemesteret.

Vurderingsformer

4 timar skuleeksamen

Karakterskala

Karakterskala A-F

Emneevaluering

Emnet vert evaluert av studentar og faglærar i tråd med vedteken evalueringsplan for alle emne på bachelor- og masternivå i sosiologi.

Kontaktinformasjon

studieveileder@isp.uib.no/ studieveileder@aorg.uib.no/ studieveileder@sos.uib.no