Slik måler ein kor høge bølgjene er

Spør meteorologen

Foto: Marit Hommedal

• I dag er det statsmeteorolog Haldis Berge som svarer.
• Send dine værspørsmål til yrmeteorologen@met.no

Denne veka er det yr-meteorolog Haldis Berge som svarar:

Hei Siri, og takk for spørsmålet

Bølgjehøgda er den vertikale avstanden mellom ein bølgjedal og etterfølgjande bølgjetopp. Altså lågaste og høgaste punktet på ei bølgje.

Bølgjehøgda blir vanlegvis målt i meter.

I varsla for fiskebankane og kyst-varsla våre oppgir me bølgjehøgd. Der varslar me såkalla signifikant bølgjehøgd. På nokre av strekningar gir me også maksimal bølgjehøgd.

Bølgjehøgda H er avstanden mellom ein bølgjetopp og etterfølgjande bølgjedal.

Foto: Meteorologisk institutt/Haldis Berge

Signifikant bølgjehøgd

Signifikant bølgjehøgd vil seie gjennomsnittet av den høgaste tredjedelen av individuelle bølgjehøgder i løpet av 20 minutt.

Den signifikante bølgjehøgda skal tilsvara den bølgjehøgda som ein trent observatør vil setja bølgjehøgda til.

• Metlex.no: Les meir om signifikant bølgjehøgd
• Lær meir om bølgjer

Det er ikkje alltid den maksimale bølgjehøgda er oppgitt i varsla.

Foto: Neil Friestad

Maksimal bølgjehøgd

Maksimal bølgjehøgd er den høgaste enkeltbølgja observert i løpet av ein periode på 20 minutt.

Som ein hovudregel kan ein gå ut frå at den maksimale bølgjehøgda er 1,6-1,8 gangar så stor som den signifikante bølgjehøgda.

I ekstreme tilfelle kan ei enkeltbølgja bli meir enn to gangar så stor som den signifikant bølgjehøgd.

• Har du spørsmål om vær? Send det inn til yr-meteorologene!
• Les flere artikler fra «spør meteorologen»!