No får Fanaråken stasjon for ekstremvarsling

Ifølgje Sogn Avis har folk frå Meteorologisk Institutt denne veka vore på Fanaråken med utstyr, men dårleg vêr har stoppa dei i å utføre arbeid i denne omgang.

Ein jobbar no for å få målingar for temperatur og lufttrykk på plass, kanskje i løpet av august. Det vil nok ein gang gi Fanaråken status som den høgastliggjande vêrstasjonen i landet.

• LES OGSÅ:– Mister viktig klimaforskning

Ligg veldig høgt og langt vest

– Fanaråken er ekstra interessant fordi det ligg veldig høgt og langt vest, seier prosjektleiar Tone B. Husebye ved Meterologisk Institutt til avisa.

Fanaråken hadde bemanna målestasjon fram til 1978.

Ein reknar målingar frå Fanaråken som viktige for klimaforskning, men også som grunnlag for betre snøskredvarsling.

• LES OGSÅ:En av de beste vindene i landet

Er eit ledd i klimasatsinga

Målestasjonen vil også bli eit ledd i satsinga på klimaparken 2469. Dette er ei satsing som skal jobbe for å skaffe forståing for globale klimautfordringar.

Oppland fylkeskommune, Fylkesmannen i Oppland og Statens naturoppsyn er mellom fleire som står bak dette.

Totalt finst det om lag 800 målestasjonar rundt om i Norge, mange av dei er automatiske, som på Fanaråken.