Derfor regnar det mykje om sommaren

Spør meteorologen!

Foto: Marit Hommedal

• I dag er det statsmeteorolog Merete Øiestad som svarer.
• Send dine værspørsmål til yrmeteorologen@met.no

Ann lurar på kvifor vi ofte får regnbyer om ettermiddagen om sommaren inne i landet, medan det kan vere solskinn langs kysten.

Ho har sendt spørsmålet sitt til yr-meteorologane, og denne veka er det Merete Øiestad som svarar yr-brukaren:

Landjord raskare oppvarma

Om sommaren har du gjerne lagt merke til at vi meteorologar varslar om «utrygt for ettermiddagsbyer i indre strøk».

Grunnen til at desse regnbyene ofte berre opptrer inne i landet og ikkje ved kysten, er at landjorda blir raskare oppvarma enn havet.

Varmt i innlandet

Vi seier at vatn har større varmekapasitet enn bakken. Det vil seie at vi treng mykje meir energi for å varme opp hav enn land.

Dess lenger vekk frå havet vi kjem, dess mindre innvirkning har havet på oppvarminga.

Difor stig temperaturen meir inne i landet enn ved kysten ein solskinnsdag om sommaren.

Les også:

• Kvifor så grått sommarvêr?
• Derfor regnar det mest i vest

Bakken varmar opp lufta

Kortbølga stråling frå sola går stort sett rett gjennom atmosfæren utan å varme opp lufta noko særleg. Lufta vil difor bli varma opp nedanfrå av den varmare bakken og havet.

Varm luft er lettare enn kald luft, og dermed går den varme lufta oppover. Når lufta stig, blir den avkjølt.

• Hvorfor vind og torden på sommeren?

CUMULONUMBUS-SKY: Nedbør i innlandet, og sol og fint utanfor skya.

Foto: Spinach Gunk /Flickr

SOL OG REGNBYER: Typisk norsk sommarvèr ...

Foto: Solum, Stian Lysberg/SCANPIX

Gir regnbyer om sommaren

Kald luft har mindre evne til å halde på vanndamp enn varm luft.

Så viss det er tilstrekkeleg med fuktighet i lufta, blir det danna skyer som kan utvikle seg vidare til byeskyer – cumulonimbus. Altså får vi regnbyer.

Av og til er regnbyene så kraftige at det blir torden òg.

Nokre gongar er det så mykje fuktighet og stor nok oppvarming at vi får ettermiddagsbyer i ytre strøk også.

• Har du spørsmål om vær? Send det inn til yr-meteorologane!
• Les fleire artiklar frå «spør meteorologen»!