Det 3-årige restansenedarbeidingsprosjektet i domstolen vert no avslutta. Vi er nøgd med at måla for prosjektet er nådd: Dei store restansane av sivile ankesaker er fjerna, og saksbehandlingstida er halvert.

Vi starta 1. juli 2004 med ein behaldning på heile 458 ankesaker, og ei gjennomsnittleg behandlingstid på nærare 400 dagar. Når prosjektet no er avslutta tel behaldninga mindre enn 200 saker, og behandlingstida er på veg ned mot 180 dagar. Målet for prosjektet var å enda opp med ein behaldning i storleik 200 saker, og dette målet er altså nådd.

Domstolen fekk tilført ekstra ressurser til prosjektet, i form av 4 dommarstillingar og 2 saksbehandlarstillingar. Vi kan slå fast at den ekstra ressurstilførselen har gjeve dei resultata vi ønskte oss, og at Gulating lagmannsrett er godt budd på å møta dei spanande utfordringane som ligg føre oss med innføringa av ny tvistelov 1. januar 2008.