Publisering av statsbudsjettet
Produksjon og styring SSD:Informasjonsforvaltning har teknisk redaksjonsansvar for regjeringsdokumenta og NOU. Ansvaret inneber å styre produksjonen frå manus til ferdig trykksak, ha ansvar for elektroniske versjonar for Internett og CD-ROM, samt å koordinerer kontakten mellom departementa og ulike leverandørar.
Tilrettelegging Budmod er knytt til systemet som vert nytta i den grafiske produksjonen av statsbudsjettet. Dette systemet sikrar at dokumenta som departementa skal produsere, dannar grunnlag for publisering i fleire format. Servicesenteret for departementa(SSD) kan, via medieuavhengig publisering (MUP), slik sørgje for at ein i departementa kan legge til rette for produksjon av manus som sikrar rasjonell og rask produksjon i trykkeria.
I trykkeria sørgjer MUP for at det fins system som er i samsvar med manus. MUP gjer det mogeleg å automatisere deler av produksjonen av trykksaker og filer til distribusjon og langtidslagring.
Datafangst
Alle dokumenta til publikasjonane under statsbudsjettet går gjennom Servicesenteret for departementa. Prosjekt Fagprp har ansvar for naudsynt opplæring, brukarstøtte og kvalitetssikring av dokumenta.
Produksjon
Teknisk redaksjon planlegg og styrer produksjonen av budsjett og regjeringsdokument. Dette inneber ein kontinuerlig kontakt med departementa i planfasen og under produksjonen. I produksjonsfasen er Teknisk redaksjon òg i trykkeria for rettleiing og kontroll.
Offentleggjering
Statsbudsjettet vert offentleggjort den dagen det vert lagt fram for Stortinget. Før offentleggjering er det satt ein sperrefrist. All relevant informasjon knytt til statsbudsjettet skal ikkje vere kjent for publikumet før denne fristen.
Dette er eit prinsipp som gjeld alle dokumenta frå regjering til Stortinget, men som i særleg grad er vektlagt for statsbudsjettet.
Når sperrefristen har gått ut har Servicesenteret for departementa ansvar for at publikasjonane er tilgjengelege både på trykk og på Internett via Odin.
Distribusjon
SSD syt for pakking av tingingar på trykksaker og CD-ROM frå departementa og offentlege institusjonar i heile landet. Desse vert sendt med post straks sperrefristen går ut. I tillegg sender SSD ut filer som svarer til trykksakene som kan lastast ned frå Odin, og syter for at dokumenta kan visast som HTML-filer.
Lagring
I tillegg til format for publisering, vert det produsert elektroniske filer for langtidslagring i samsvar med Riksarkivets krav. Det fins også filer for opptrykk av trykksakene, eller for gjenbruk i andre presentasjonsformer eller medium enn det dokumenta opphavleg var laga for.
Det er eit mål at dei elektroniske filene skal vere lesbare over tid. Dette inneber at endringar i operativsystem og tekstbehandlingsprogram ikkje skal ha innverknad på lesekvaliteten. Difor vert dokumenta lagra i standardiserte filformat som SGML og XML. Dei trykte utgåvene av statsbudsjettet vert i tillegg lagra hjå SSD i ein periode som vert sett av Statsministerens kontor.
Evalueringar - input i syklisk forbetring
Prosjekt Fagprp har ansvar for at både arbeidet og tekniske løysingar vert evaluert kvart år. Denne evalueringa krev høg grad av brukarmedverking og legg føringar for spesifisering av vidare arbeid. Dette sikrar at SSD kan vere på høgde med brukarane sine krav og ynskjer. SSD vil halde tritt med den teknologiske utviklinga og yte departement og publikum ein effektiv tilgang til noko av den mest vesentlege informasjonen som gjeld styringa av landet.