|
Kjærlighet uten grenser
Ferdsel på livets landevei kan være problematisk. Hva
om du befinner deg i «feil» fil? Eller ikke føler deg hjemme
i noen av filene? Den nylig lanserte boka «Barfot» handler
om dette og mye mer.
Feitt, salt og sunt
Speilsalen på Kvarteret lukta kvitlauk og nysteikt pitabrød
då Erik Halvorsen, matskribent i BT, kom for å gi studentane
gode matlagingsråd.
Heilhus jazzkveld
Studentersamfunnet arrangerer «Jazz-crawl» på Kvarteret laurdag
11. mai. Fredrik Saroea Kvintett , Tomas Nøkling og andre
jazzmusikarar vil entre scena. Førstnevnte vil bli litt roleg,
dempa jazz, inspirert av Chet Baker. Nøkling har som mål å
setje popmusikk i eit meir jazza lydbilete, og vil framføre
litt lystige låtar. Det vil bli mogleg å danse til elektronisk
chill og å slappe av med raudvin og sigar til melankolske
jazzmelodiar. Samfunnet sine jazzkveldar har hatt suksess
tidlegare.
«Reposessing» rock’n roll
The Repo Men speler konsert på Garage fredag 10. mai. Bergensbandet
er inspirert av 60-, 70- og 80-talet. I følgje bandet sjølv
er musikken blitt «en tradisjonell blend med høy volumprosent,
som lesker struper som tørster seg etter drivende, tilbakeskuende
rock, og svir i halsen på historieløse metal-rap`ere».
Elektronisk show med Ugress
Tordag 9. mai skal Ugress lage eit mangedimensjonalt teknologisk
show i Teglverket. Dei vil vise ein kombinasjon av elektronisk
musikk, organisk lydbilete, live musikarar, multimedia, surround
lyd, 3D dataanimasjon og blinkande lys. Konsertane til Ugress
har rykte på seg for å vere energiske og dansbare.
Roma og motkultur
Cinemateket skal fredag 10. og søndag 12. mai syne «Fellini
Satyricon» av Frederico Fellini, som er ei draumeaktig, hallusinerande
framstilling av det antikke Roma. Filmen er ei blanding av
historiske hendingar og fragmentariske scener, inspirert av
romanen «Satirae» av Petronius Arbiter. Forfattaren skal ha
vore medlem av keiser Neros hoff. Fellini har forsøkt å trekke
parallellar til motkulturar på 60-talet, og skal sjølv ha
vore begeistra for hippierørsla. Regissøren har skrelt vekk
mykje av vørdnaden og glamouren dei gamle romarane er kjent
for.
08.05.02
|
