Feitt, salt og sunt
Speilsalen på Kvarteret lukta kvitlauk og nysteikt pitabrød
då Erik Halvorsen, matskribent i BT, kom for å gi studentane
gode matlagingsråd.
 |
PITA TIL ALLE. Assistentane til Erik Halvorsen er
travelt opptekne med å steike pita til eit stort publikum.
|
Miljøgruppa ved UiB arrangerte matkveld, der temaet var billig,
spanande studentmat, og hadde gitt matskribent Erik Halvorsen
litt pengar, frie hender og fritt talerom. Å kunne snappe
opp gode og enkle mattips på denne måten er tydeligvis etterlengta
hjå studentar, sidan speilsalen var heilt fullsett av nysgjerrige.
Dessutan var det berre eit par av publikum som rakk opp handa
då det blei spurt om kven som var flink til å lage mat.
Få, men gode reiskap
Ifølge Halvorsen er det smart å ikkje ha for mykje utstyr
på kjøkkenet. Det blir det berre mykje oppvask av.
– Utanom det ordinære kjøkkenutstyret er det berre tre viktige
reiskap ein treng for å få kunne lage god mat. Første bod
er å ha ein skikkeleg god kniv som lenge held seg skarp. Ein
slik kniv er litt dyr, men svært viktig å ha for at det skal
vere lettvint og gøy å lage mat. Dernest trengst ein mortar
for å hakke til dømes ferske krydderfrø med. Det tredje viktige
reiskapet er ein rasp. Ein bør ha få ting, og dei rette tinga,
meiner Halvorsen.
|
 |
HUMMUS. Dip med kikerter, sitronsaft, koriander, kvitlauk
og paprika blir fanga opp med nysteikt brød.
|
| |
 |
| |
KRYDDERBRØD. Også rundstykke med anis vart servert
med hummusen.
|
Rein, ufarleg mat
Også når det gjeld mat, sa Halvorsen at det er spesielt
tre typar basisvarer som er viktige; uraffinert havsalt, uraffinert
sukker og god, ekte olje.
– Middagsgjestar har spurt om kva eg har gjort for å få så
god ris. Då har eg berre brukt uraffinert havsalt; det gjer
underverk. Det vanlege bordsaltet skal du berre kaste, oppfordrar
Halvorsen. Oljen ein steiker med skal helst ikkje vere framstilt
av soyabønner eller mais, då dette er ting som opprinneleg
berre inneheld ein prosent feitt. Resten av feittet i denne
oljen er kunstig framstilt. Dessutan seier Halvorsen fy til
margarin, som er gjort kunstige ting med for å få det gult.
Han meiner at den beste steikeoljen er olivenolje som det
står «for frying» på, samt sesam- og jordnøttolje.
Kast ferdigmalt krydder!
Krydder blei vidd særleg mykje merksemd. Det første rådet
var å kjøpe det så ferskt som mogleg, og kaste alt krydder
som er ferdigmalt. Det einaste unntaket frå regelen er kanel.
– Smaken forsvinn vesentleg raskare når krydderet er malt.
Spesielt viktig er det at peparen er fersk. Det same gjeld
bladpersille og koriander, råder matskribenten. Alt i eitt
er det beste tipset hans å kjøpe så ekte, fersk og naturleg
mat som mogleg, både med tanke på smak og giftinnhald. Han
anbefaler å gå i store delikatessebutikkar og store internasjonale
og asiatiske butikkar for å finne godsakene.
08.05.02
|
