Erobrar tv-ruta
Studentane i Bergen har studentavis og studentradio. No
er det tid for å erobre tv-ruta. 16. mars går Bergen Student
TV (BSTV) på lufta.
 |
Studentsjarm på skjermen. – Vi skal presentere eit
magasinprogram med kultur i sentrum, seier fungerande
ansvarleg redaktør for BSTV, Henrik Hylland Uhlving.
|
- Vi skal ha sendingar kvar søndag frå klokka 23.15 på frekvensen
til TVHordaland. Programmet varar i 20 minutt, og skal freista
å binde Høyden og Bergen tettare saman. Vi vendar oss til
folk som er unge til sinns, ikkje berre studentar, forklarar
fungerande ansvarleg redaktør Henrik Hylland Uhlving.
Kultur med studentsjarm
Det var først då Henrik fekk snusen i at det fantes nokre
sjelar på Universitetet som ønska å få i gang student-tv,
at det blei fortgang i planane.
– Eirik Olsnes hadde ideen, men han trong ein person som kunne
jobbe på fulltid med prosjektet. Eg fekk godkjent siviltenesta
i BSTV i januar, no jobbar eg på heiltid saman med eit styre
av frivillige. Henrik trekk fram Stereo på NRK 2 som eit førebilete
for den nye tv-kanalen, men understrekar at dei ikkje vil
bli ein bleik kopi av eksisterande program.
– Kopiar fell fort igjennom. Vi skal utnytte det at vi er
studentar, og gjere ting andre ikkje tør gjere. Vi skal bryte
reglane samtidig som det skal vere proft. Det blir aktuelle
kulturinnslag med ein rufsete studentsjarm. Vi skal satse
på det vi kan best, og kjem mellom anna til å presentere eit
nytt band kvar veke.
Studio på Landmark
Dei unge tv-makararne legg vekt på at det skal vere studentar
i alle ledd. - Studiodesignen er gjort av ein kunsthøgskulestudent
på møbeldesign. Ho har hovudfagsutstilling i februrar, og
etter det skal vi få nytta hovudfagsoppgåva som studio. Vi
treff Henrik på Landmark, studioet til BSTV. Opptaka gjerast
medan kafégjestane skravlar i bakgrunnen. Programleiarane
blir tilsette etter audition i desse dagar.
Suksess i Trondheim
Finansieringa av kanalen står mellom anna Kulturstyret for.
BSTV har òg fått hjelp av Utdanning i Bergen, dessutan har
dei eit nært samarbeid med Mediaverkstedet.
– Vi satsar på å ha sponsorplakatar før og etter sending for
å få inn meir pengar, fortel Henrik, som har teke medievitskap,
jobba med kortfilm og vore med i Bergen Filmklubb innan han
blei engasjert i student-tv. Dei andre i styret er Thorleif
Lindhave frå Immaturus, initiativtakar Eirik Olsnes, musikkjennaren
Ole Martin Rognved og Gry Strømme som har utdanning i tv-fag
frå England. Det har aldri vore student-tv i Bergen tidlegare,
men i Trondheim har dei holdt på i ti år med stabile sjåartal.
– Dette blir eit pilotprosjekt, går det bra før sommaren skal
vi halde fram med faste program utover hausten, forsikrar
Henrik Hylland Uhlving.
29.01.03
|
