Ynskjediktatoren
– Min ynskjediktator er Mohammar Gadaffi, fortel Jhonny frå Askøy.
– Han meiner nemleg at kvinner som ber burka driv med satanisme. Allah skapte kvinna naken. I tillegg har han ein livgarde utelukkande av kvinner. Slikt står det respekt av, han slår eit slag for likestillinga. Han er også kjend for å oppmode alle muslimar til å ha meir sex, og så var det jo han som betalte fri dei gislane på den øya i Asia, sjølv om USA ikkje var viljuge til å kjøpslå med terroristane. Og så hevda han etterpå at det ikkje var han. Men til sjuande og sist må ein jo like ein diktator som freistar å sjå ut som Tom Jones, avsluttar Jhonny.

Idiotisk nyhende
Bergens Tidende (BT) skreiv at ein no kan kjøpe domenenamn på Verdsveven som inneheld bokstavane æ, ø og å, til glede for dei som før måtte bruke oe, ae og aa i adressene sine, fortel Hroar som gjeng på informatikk på telefonen. – Eg tykkjer det var eit heilt idiotisk argument. Dei som allereie har heimeside vil jo ikkje kjøpe enno eit namn. Typisk idiotisk av BT, seier han før batteriet går ut.

På skulebenken med Kristin Clemet
Etter reportasjen om livsfarleg leikestove på Realfagbygget ved Universitetet i Bergen har no ein kommisjon, nedsett av utdanningsminister Kristin Clemet, sett ein stoppar for dei bokstaveleg tala hårreisande aktivitetane ved fakultetet. – Eg seier som Turid Hunstad (direktør i Lånekassen, red. anm.), ein skal ikkje leike universitet, seier Clemet til Leikestove. – Og om dei ikkje gjer som eg seier, har eg alltids noko dynamitt som står attende etter tidlegare samferdselsminister Kjell Opseth. – Kan det tenkast at du vil bruke denne dynamitten? Er det ikkje fare for at mange ting eksploderer og skaper katastrofe i Bergen? – Det drit eg i, eg bur jo i Oslo, avsluttar Kristin, og jagar oss ut av kontoret hennar. Der blir vi ståande på gangen og gomle i oss nokre kamferdrops som vi stal frå pulten hennar. Kjell Opseth hadde i det minste Nero, tenkjer vi.

Kvalitets-
reformen

Siste artikkel:
2. oktober 2002
Antall artikler: 20

Boligsituasjonen