Krig om kopimaskin

Tekst: Øyvind Lefdal Eidsvik

Listetopp Torstein Fjeldet Lunde er lei av ulik innkrevjing av kopipengar på Universitetet i Bergen, og oppmodar leiinga til å ta eit tak for felles reglar.
– Studentar skal ikkje betale for fleire kopiar enn dei ynskjer, seier Fjeldet Lunde. I eit forslag til Universitetsstyret krev Moderat liste at kopipengar kun skal vere på frivillig basis. Fleire miljø har tatt ei felles avgift for alle sine studentar og slik dekka at alle får kopiar av transparentar, oversikter og anna materiale. Blant anna tok Institutt for kulturstudier og kunsthistorie ei slik avgift på 50 kroner semesteret. Dei måtte stoppe praksisen etter kjeft frå universitetsleiinga.
– Pengane finansierte også støtte til ekskursjonar og utgifter til kollokvier, seier Mette Bjordal, kontorsjef ved instituttet. Ho bedyrer at det ikkje var særleg med klager frå studentane. Fjeldet Lunde frykter tilstandar som i Oslo, der universitetet krev pengar for kopiar av både fagleg og administrativ slag.
– All kopiering som ikkje er fagleg, må vere gratis for studentar, krev han.

Siste artikkel:
3. september 2003
Antall artikler: 42

Kollektivrabatten