På tur med Terje
Terje strenar inn på Leikestove-kontoret, raud i toppen og med mold på støvlane. På det eine kneet har han ein grønskeflekk, som årets siste innfule spark frå sumaren før han slepp taket for i år. Vi gir Terje ein bolle og ber han setje seg.
Han fortel at han har vore på skulebesøk på ungdomsskulen som skulle presentere dei nye heimesidene som sjuandeklassen hadde laga. Heile skulen var samla i gymsalen.
– Brått når eg stod og snakka om familiehygge og satsing på ungdomen og anna vås, snur eg meg og ser at heile veggen bak meg er dekt av eit bilete av meg, kliss naken med eit slips rundt hovudet, ropar Terje så bollesmulane sprutar og peivar ned ein bunke kryssordløysingar frå førre veke.
– Kvifor hadde dei det biletet, lurer vi.
– Det var vel frå hagefesten til FpU i sommar. Ein av dei ekskluderte forædarane har teke bilete av meg med eit mobil-kamera, spekulerer han.
– Alle rampungane brølte av latter, men då eg tok den næraste dritungen i øyra og rista han litt, tok nokon bilete av det også og la det ut direkte på internett. Snart kom politiet og sparka meg på leggen, og eg måtte sitje i avhøyr i timesvis i berre stilongsen.
– Eg etterlyser Datatilsynet, dei må forby slike kamera omgåande, seier Terje og slår i bordet.
– Jammen berre for eit par veker sidan var jo FrP sterkt imot Datatilsynet.
Terje berre ser på oss medan han prirkar ut litt bollestoff som har sett seg fast mellom fortennene.
– Kva er det de vil fram til eigentleg?
– Korleis kan de vere for Datatilsynet no, når de prøvde å avskaffe det førre veke, forklarer vi.
– Eg ser ikkje poenget. Vi er for datatilsyn no, seier eg jo.
Så reiser han seg resolutt.
– Men no skal eg pinade ut og kjøpe meg eit sånt kamera sjølv og ta nokre dusj-bilete av KrF og presse dei for pengar. Carl Ivar har sagt at vi ikkje får drive utpressing, men snart tar han med seg den hybelkanina si og reiser til Spania for godt, gliser Terje.
– Då skal det pinameg bli andre bollar.

 

Jenter er også crazy

Bjørgulv Braanen i Klassekampen hadde tirsdag ein svært upassande leiarartikkel om at kvinner ikkje er morosame, seier Hildunn Flisnes frå Kvinnegruppa Gunnar, på telefon til Leikestove.
– Han refererte vel berre til ei spørjeundersøkjing.
– Akkurat! Det burde han ikkje gjere. Den undersøkjinga var feil. Eg kjenner mange jenter som er heilt crazy, og vi i kvinnegruppa ler aldri av menn, men mykje av kvarandre. Og vi har mykje moro med både hengepuppar og mensen.

Siste artikkel:
3. september 2003
Antall artikler: 42

Kollektivrabatten