Bachelorprogram i nanoteknologi

Introduksjon

Ta ein millimeter og del han i ein million delar, da har du ein nanometer. Med nanoteknologi prøver ein å måle og endre på strukturar på denne lengdeskalaen, slik at materiala vi lagar, kan få nye og optimale eigenskapar. Det kan skje for eksempel ved å lage nanopartiklar, nanodråpar eller nanoporer med diameter på mellom 1 og 100 nm, og ved å stabilisere slike nanostrukturar i materiala våre.

Nanoteknologi blir blant anna brukt ved design av nye funksjonelle material innan elektronikk, farmasi, kjemisk katalyse og instrumentutvikling. I aukande grad finn ein nanoteknologi i produkt som vi omgjer oss med til dagleg, som datautstyr, sensorar, solkrem og andre produkt for personleg pleie, medisinar og sportsutstyr.

Eit anna eksempel på felt der nanoteknologien er relevant, er i utviklinga av nye, fornybare energikjelder, for eksempel solcellepanel med høg kapasitet og fleksible bruksområde. Hydrogen blir av mange spådd å bli ein viktig energiberar om eit tiår eller to, og nanoteknologi vil truleg spele ei avgjerande rolle i utforminga av trygge hydrogenlagringsmedium slik at hydrogen kan nyttast som drivstoff i bilar.

Visste du at ...

Storleikstilhøvet mellom ein nanopartikkel og ein fotball er omtrent som forholdet mellom ein fotball og jordkloda.

Studievegar

• Bachelor (3 år)

Det treårige studiet gir deg eit tverrfagleg grunnlag innanfor fysikk, kjemi, molekylærbiologi og matematikk. Studiet gir deg òg kunnskap om kva som kjenneteikner nanoteknologi samenlikna med dei ulike naturvitskapane som nanoteknologien er basert på.

• Master

Etter bachelorprogrammet kan du ta eit toårig masterprogram i nanovitskap, molekylærbiologi, kjemi, fysikk eller medisinsk biologi. Ta kontakt med studierettleiar for meir informasjon om masterstudiet i nanovitskap.

• Forsking

Nanovitskap har på få år vakse til å bli ei ny hovudretning i realfagleg forsking både i Noreg og internasjonalt. UiB har gjennom fleire år bygd opp sterke forskargrupper i faget.

• Sjå også desse studia

Kjemi, fysikk, matematiske fag.

Utveksling

Det er lagt opp til at du kan ta sjette semester av studiet utanlands. Bachelorprogrammet i nanoteknologi har ein tilrettelagt utvekslingsavtale med Interdisciplinary Nanoscience Center (iNano) ved Universitetet i Århus, Danmark og Teknisk Universitet i Graz (Graz University of Technology), Austerrike.

 Finn inspirasjon og nyttig informasjon om delstudiar i utlandet her:
http://www.uib.no/matnat/utdanning/utveksling

Yrkesvegar

Med utdanning innanfor nanoteknologi/nanovitskap vil du blant anna kunne arbeide i følgande bransjar: forsking, teknologisk industri, undervisning, offentlege kontrollorgan og forvalting. Med ein bachelorgrad i nanoteknologi har du eit godt grunnlag for å gå vidare på masterstudiet i nanovitskap. Dersom du avsluttar studia etter fullført bachelorgrad, er det breidda i realfagsbakgrunnen som er ditt største konkurransefortrinn.

Når du har fullført dette studieprogrammet, får du graden bachelor i naturvitskap.

Undervisningsspråk

Norsk

Studiestart - semester

Oppstart haust.

Mål og innhald

Teknologiske nyvinningar har gjort det råd å måle og systematisk endre strukturar og prosessar som skjer på ein skala frå 0,1 til 100 nanometer. Dette opnar for heilt spesielle eigenskapar som ofte er styrt av kvantemekanikken sine lover. Medan nanovitskapen er oppteken av korleis ein kan oppnå ønskte eigenskapar gjennom manipulasjon på nanometer-skala, handlar nanoteknologi om praktisk utnytting av material, strukturar og komponentar basert på nanovitskap. Studiet gir teoretisk forståing og praktisk kompetanse innan den naturfaglege basisen for nanoteknologi. Vidare får du ei innføring i det særmerkte for nanovitskap og nanoteknologi, gjennom døme og arbeid på moderne laboratorium. Du vil også møte etiske og samfunnsmessige problemstillingar knytt til teknologi.

Læringsutbyte

Etter å ha fullført bachelorstudiet i nanoteknologi skal kandidaten kunne:

• Gjere greie for sentrale kvalitative og kvantitative modellar i fysikk, kjemi og molekylærbiologi.
• Følgje etablerte protokollar for framstilling og karakterisering av nanostrukturerte material i tråd med gjeldande reglar for sikker laboratoriepraksis.
• Gi døme på nanoteknologiske produkt og prosessar, og forklare korleis ønskte og uønskte eigenskapar blir bestemt av struktur og prosessar på nanoskala.
• Drøfte nanovitskaplege fenomen og eigenskap-struktur samanhengen deira ved hjelp forklaringsmodellar frå dei grunnleggjande naturvitskapane samt matematikk.
• Bruke moderne nanovitskaplege analyseinstrument.
• Presentere eigne forskingsresultat både munnleg og skriftleg.

Opptakskrav

Generell studiekompetanse eller realkompetanse. I tillegg må du oppfylle krav om realfag (REALFA).

Meir informasjon finn du på http://link.uib.no/?1jIFY

Tilrådde forkunnskapar

Bakgrunn tilsvarande Kjemi (1 + 2), Fysikk 1 og Matematikk (R1 + R2) vert tilrådd.

Innføringsemne

Studiet tek til med innføringsemnet ex.phil, samt grunnemne i matematikk og kjemi. Anbefalte forkunnskapar til matematikkemnet er matematikk R2 frå VGS eller tilsvarande. Kjemiemnet byggjer på forkunnskapar tilsvarande Kjemi 1 + 2 frå VGS. Kjemiemnet introduserer ulike energi-omgrep og brukar dei til å forklare oppbygging, eigenskapar og reaksjonar til kjemiske stoff frå eit fysikalsk perspektiv. Det er laboratoriekurs i dette emnet.

Obligatoriske emne

Ex.phil, KJEM110, KJEM120, MAT111, MAT112, MOL100, MOL200, NANO100, NANO161, NANO244. Minst eit av fysikkpara [PHYS101 og PHYS102] eller [PHYS111 og PHYS112]. Minst eit av emna: KJEM122, KJEM131, PHYS114, INF100, INF109, STAT101 eller STAT110.

Spesialisering

KJEM110, KJEM120, MAT111, MAT112, MOL100, MOL200, NANO100, NANO161, NANO244. Minst eit av fysikkpara [PHYS101 og PHYS102] eller [PHYS111 og PHYS112]. Minst eit av emna: INF100, INF109, STAT101 eller STAT110. I tillegg må bachelorgraden i nanoteknologi innehalde minst eit av laboratorieemna KJEM122, KJEM131 eller PHYS114. Ver merksam på at det er sterkt anbefalt å lese KJEM130 før ein les KJEM131.

Tilrådde valemne

Fire valemne på til saman 40 stp bør veljast i forhold til planlagt masterstudium. Ein bør tidleg ta kontakt med studierettleiar for å få døme på gode fagkombinasjonar. Inntil 10 studiepoeng på 300-nivå kan inngå i den valfrie delen av bachelorgraden.

Rekkefølgje for emne i studiet

Tilrådd rekkefølje ser du i utdanningsplanen (og i punktet Studieløp). Ofte bygger emna vidare på kunnskap frå andre emne og det er da oppgitt Krav til forkunnskap eller Tilrådde forkunnskapar på emna.

Delstudium i utlandet

Det er lagt opp til at du kan ta 6. semester i studiet utanlands. Bachelorprogrammet i nanoteknologi har tilrettelagde utvekslingsavtaler med Det interdisiplinære nanosenteret (iNano) ved Universitetet i Århus, Danmark og med Teknisk Universitet i Graz, Østerrike.

Finn inspirasjon og nyttig informasjon om delstudiar i utlandet her:
http://www.uib.no/utdanning/om-aa-studere/studier-i-utlandet

Undervisningsmetodar

I henhold til Reglement for gradene bachelor og master skal ein bachelorgrad innehalde minst 10 stp sjølvstendig arbeid. Dette blir planlagt innanfor dei emna som inngår i spesialiseringa. Undervisninga skjer gjennom forelesninger, laboratoriearbeid med påfølgande journalskriving, prosjektoppgåver, rekneøvingar og gruppearbeid. Undervisningsformer står omtala under kvart einskild emne.

Grunnlag for videre studium

Bachelorstudiet gir grunnlag for masterstudiar innan fagområdet. For å vere kvalifisert for å søke til eit masterprogram må du oppfylle opptakskravet om C eller betre som gjennomsnittskarakter på emna i spesialiseringa i bachelorgraden.

Relevans for arbeidsliv

Med utdanning innan nanoteknologi/nanovitskap vil du blant anna kunne arbeide innan følgjande bransjar: Forsking, teknologisk industri, undervisning, offentlege kontrollorgan og forvalting. Med ein bachelorgrad i nanoteknologi har du eit godt grunnlag for å gå vidare på masterstudium i nanovitskap. Dersom du avsluttar studiane etter fullført bachelorgrad, er det breidda i realfagsbakgrunnen som er ditt største konkurransefortrinn.

Evaluering

Bachelorprogrammet vert kontinuerlig evaluert av programsensor, i tråd med retningslinjene for kvalitetssikring ved UiB. Evaluering for enkeltemne som inngår i bachelorprogrammet, er omtalt i emnebeskrivinga.

Programansvarleg

Programstyret har ansvar for fagleg innhald, oppbygging av studiet og kvaliteten på studieprogrammet. Kontakt instituttet.

Adminstrativt ansvarleg

Kjemisk institutt har ansvar for studieprogrammet. Ta gjerne kontakt med studierettleiar på programmet dersom du har spørsmål: studierettleiar@nano.uib.no, studieveileder@nano.uib.no.

Tlf: 55 58 34 46. Ekspedisjonen på Kjemisk institutt, tlf: 55 58 34 44. 

Søknadsprosedyre

For søkarar med generell studiekompetanse er
søknadsfristen 15. april.

For spesielle søkargrupper og for søkarar
med realkompetanse er fristen 1. mars.

Du søker gjennom Samordna opptak (SO). Du finn søknadsskjema og meir informasjon på: http://www.uib.no/utdanning/opptak/samordna-opptak

Søk opptak til universitetet i Bergen og
bachelorprogrammet i nanoteknologi, studiekode i Samordna opptak: 184939.

Opptakskrav

Generell studiekompetanse og
REALFA: Matematikk R1 eller (S1+S2) OG fordjuping i eitt realfag (R1+R2) eller FYS(1+2) eller KJE(1+2) eller BIO(1+2) eller INFO(1+2) eller GEO(1+2) eller TEK(1+2).

Meir informasjon finn du her: http://link.uib.no/?1jIFY

Tilrådde forkunnskapar

Det er tilrådd å ha Fysikk 1 + Kjemi 1+2 + Matematikk R1+R2.

Poenggrense ved siste opptak

Ordinær: 48,1

Førstegangsvitnemål: 49,2

Antall studieplasser

20

Overgangsordninger

Finn ut kva program som er opne for intern overgang og korleis du søker: http://link.uib.no/?3S29o

Det er mogleg å byte studieprogram både haust og vår.

Læringsutbyte

Etter å ha fullført bachelorstudiet i nanoteknologi skal kandidaten kunne:

• Gjere greie for sentrale kvalitative og kvantitative modellar i fysikk, kjemi og molekylærbiologi.
• Følgje etablerte protokollar for framstilling og karakterisering av nanostrukturerte material i tråd med gjeldande reglar for sikker laboratoriepraksis.
• Gi døme på nanoteknologiske produkt og prosessar, og forklare korleis ønskte og uønskte eigenskapar blir bestemt av struktur og prosessar på nanoskala.
• Drøfte nanovitskaplege fenomen og eigenskap-struktur samanhengen deira ved hjelp forklaringsmodellar frå dei grunnleggjande naturvitskapane samt matematikk.
• Bruke moderne nanovitskaplege analyseinstrument.
• Presentere eigne forskingsresultat både munnleg og skriftleg.

Oppbygging

Bachelorprogrammet i nanoteknologi inneheld 120 studiepoeng spesialisering innanfor nanoteknologi, grunnleggande naturfag (molekylærbiologi, kjemi, fysikk) og matematikk. Dei resterande 60 studiepoenga inkluderer ex.phil. samt fem valfrie emne.

Når du har fullført studieprogrammet ditt, skal du ha tileigna deg bestemte kunnskapar, ferdigheiter og generelle kompetansar. Desse er skildra i omtalen av studiet på: uib.no/studieprogram/BAMN-NANO.

Meir informasjon

Ønskjer du å vite meir ta kontakt med studierettleiar:

studierettleiar.mnfa@uib.no
55 58 30 30