Kap. III - Støtte til søkjar i høgre utdanning osv.

N
Med "anna utdanning som ikkje er omfatta av opplæringslova § 3-1" er meint all opplæring som ikkje følgjer læreplan for offentlege vidaregåande skolar, mellom anna folkehøgskolar, IT-skolar, tekniske fagskolar, bibelskolar, kunstskolar og ulike private korte yrkesretta utdanningar som blir tekne etter vanleg vidaregåande skole. Det omfattar også søkjar som går på ein vanleg vidaregåande skole, men som ikkje har rett til opplæringa etter opplæringslova § 3-1.

Sjå nærmare reglar til kapittel I punkt 1.2.1 når det gjeld hovudinnhaldet i retten til vidaregåande opplæring.

N
Orientering om opplæringslova § 4A-1:
Dei som er over opplæringspliktig alder, og som treng grunnskoleopplæring, har rett til slik opplæring dersom dei ikkje har rett til vidaregåande opplæring etter § 3-1.

N
Orientering om opplæringslova § 4A-3:
Dei som er fødde før 1. januar 1978, har rett til vidaregåande opplæring dersom dei ikkje har fullført dette frå før.

N
Med "basisstøtte" er meint det beløpet som alle med rett til støtte etter kapittel I, kan få utbetalt dei månadene dei er i utdanning.

I tillegg til dette beløpet, kan søkjaren har rett til forsørgjarstipend, reisestipend, lån til skolepengar og lån til reiseutgifter til kurs etter kapittel I punkt 8.1.1.

N
Forsørgjarstipend blir gitt i tillegg til basisstøtta. Forsørgjarstipendet blir behovsprøvd mot inntekta og formuen til søkjaren, mot formuen til søkjaren sin ektefelle/sambuar, sjå punkt 5, og mot ektefelle/sambuar si brutto inntekt per månad.

N
Det blir gitt forsørgjarstipend berre for barn søkjaren bor saman med.

N
Ved behandlinga av søknad om forsørgjarstipend blir det kravd dokumentasjon på ektefelles/sambuar si inntekt.

N
Med bruttoinntekt er meint all inntekt ektefellen har, også ytingar frå anna hald osv. Er ektefellen bidragspliktig, blir bidraget trekt frå bruttoinntekta før forsørgjarstipendet blir rekna ut. Mottek ektefellen bidrag, blir bidraget lagt til inntekta før utrekninga.

N
Dersom inntekta til ektefellen varierer, reknar vi gjennomsnittet per semester. Utrekninga av trekket blir gjort ut frå dette gjennomsnittsbeløpet.

N
Ved delt omsorg blir det gitt same forsørgjarstipend som til ein einsleg.

N
Det kan bli gitt forsørgjarstipend for særkullsbarn som sambuaren/ektefellen til søkjaren har frå tidlegare.

N
Utanlandsk statsborgar kan få forsørgjarstipend berre når barnet/barna bur saman med søkjaren i Noreg.

N
Det blir ikkje gitt forsørgjarstipend for fosterbarn som søkjaren har ansvar for.

N
Forsørgjarstipend blir gitt frå same tidspunktet som ved fødselsstipend, det vil seie frå ca tre veker før fødselen.

N
Utdanningsstipendet består av eit beløp som blir utbetalt som stipend (utbetalingsdelen), og eit beløp som blir utbetalt som lån (konverteringsdelen). Konverteringsdelen blir gjort om til stipend når søkjaren fullfører utdanninga.

Søkjaren kan ikkje søkje om berre utbetalingsdelen av utdanningsstipendet.

N
Utdanningsstipendet er ein del av basisstøtta, og blir behovsprøvd mot inntekta og formuen til søkjaren, sjå punkt 5.

N
Dette inneber at søkjar som bur saman med foreldra, får utbetalt basisstøtta, men heile beløpet blir betalt ut som lån. Lån blir ikkje gjort om til stipend ved fullført utdanning.

N
Søkjar som har vore gift, eller er sambuar med felles barn, kan få utdanningsstipend sjølv om han bur saman med foreldra.

N
Ugift søkjar som har bidragsplikt for barn og ikkje bur saman med barnet, får ikkje utdanningsstipend når han bur saman med foreldra.

N
Søkjar kan få utdanningsstipend når søkjaren og ein av foreldra bur saman medan dei begge er i utdanning, og av den grunn mellombels bur borte frå den ordinære bustaden.

N
Den delen av stipendet som er avhengig av fullført utdanning, blir likevel konvertert i slike semester sjølv om søkjaren ikkje tek eksamen.

N
Sjukestipend og fødselsstipend blir gitt i den tida søkjaren har rett til det, og han/ho får vanleg støtte med fullt utdanningsstipend dersom han/ho held fram i utdanninga.

N
Omgjering av lån til stipend blir til vanleg gjort to gonger per år. Lånekassen gjer om lån til stipend på bakgrunn av dei opplysningane om faglege forhold som blir sende inn frå lærestaden.

N
For studentar i utlandet blir omgjeringa gjord når graden er fullført. Ved lengre utdanningar kan omgjering i tillegg bli gjord i løpet av utdanninga.

Desse studentane må sjølve sende inn dokumentasjon på fullført utdanning.

N
Dette inneber at søkjaren vil kunne ta igjen tidlegare forseinking, slik at han/ho får fullt utdanningsstipend for tidlegare periodar. Søkjaren kan ta igjen forseinking anten ved å ta meir utdanning/fleire vekttal enn normert, eller ved å ta utdanning utan støtte.

N
Dersom låntakaren tek igjen forseinking, reknar Lånekassen bakover til det siste semesteret når låntakaren blei forseinka. Dersom låntakaren var heimebuar i det semesteret, blir likevel ikkje lån gjort om til stipend.

N
Lånekassen legg til grunn det som går fram som personinntekt på likninga.

For lønnstakarar, pensjonistar og andre som ikkje er sjølvstendig næringsdrivande, er dette summen av skattepliktig brutto arbeidsinntekt osv., skattepliktig brutto pensjonsinntekt osv. og andre skattepliktige bruttoytingar frå folketrygda. For desse er personinntekt brutto skattepliktig inntekt utan nokon som helst frådrag.

Dette inneber at Lånekassen ser bort frå bidrag til søkjar og søkjars barn, alle kapitalinntekter som gevinst ved sal av bustad, tomt og annan fast eigedom, renter av bankinnskott og uteståande fordringar, inntekt ved utleige av fast eigedom utanom næring, aksjeutbytte, skattepliktig gevinst ved sal av aksjar og verdipapirfond, inntekt frå utlandet osv. (Opplistinga er ikkje fullstendig.)

For sjølvstendig næringsdrivande som driv einmannsføretak, deltakarlikna selskap og aksjeselskap, blir personinntekta fastsett etter eigne reglar. Det er den personinntekta som blir fastsett av skattestyresmaktene som Lånekassen skal leggje til grunn ved behandlinga.

N
Ved kombinasjon av arbeidsinntekt og trygdeytingar skal det takast omsyn til beløp det er trekt for, slik at søkjaren ikkje blir trekt to gonger for det same beløpet.

N
At ektefellen har hatt formuen med seg inn i ekteskapet, gir ikkje i seg sjølv grunnlag for å sjå bort frå formuen eller gi høgare fribeløp. Særeige må dokumenterast ved kopi av tinglyst ektepakt.

N
Sambuarar kan ikkje ha særeige, og støtta må derfor behovsprøvast etter formuen til sambuar.

N
Lånekassen kan vurdere å redusere netto positiv formue for den eine av sambuarane med eventuell netto negativ formue for den andre. For at Lånekassen skal kunne vurdere samla netto formue, må utskrift av likninga for det gjeldande likningsåret hentast inn.

N
Dersom det blir dokumentert at delar av den formuen som kjem fram på likningsattesten, tilhøyrer barna til søkjaren, for eksempel ved at den blir disponert av Overformynderiet, skal det bli sett bort frå den delen når formuen blir fastsett.

N
Det kan bli gitt lån til ei reise tur-retur i søknadsperioden.

N
Søkjar som har ei heimstadadresse (registrert adresse) som tilseier reisestipend, får slikt stipend sjølv om vedkommande bur hos foreldra under utdanninga og ikkje kan få utdanningsstipend etter unntaksreglane.

N
Reisestipend blir rekna per månad. Stipendet per månad blir avrunda oppover til nærmaste heile ti kroner. Ved utrekninga av reisestipendet blir månadssatsen multiplisert med talet på månader i søknadsperioden.
(Dette gjeld også ved støtte utover normalt undervisningsår.)

N
Ved reiser til eit anna nordisk land blir eigendelen trekt frå dei totale reisekostnadene.

N
Søkjar som studerer i land utanfor Norden, og som melder utflytting, får utanlands reisetillegg (lån og stipend) rekna frå Oslo til studielandet. Det blir ikkje gitt reisestipend for reiser i Noreg/Norden når det er meldt utflytting frå Noreg. Det kan likevel bli gitt reisestipend dersom det er dokumentert at søkjaren har måtta melde utflytting frå Noreg fordi studielandet krev det.

N
Søkjar over aldersgrensa får reisestipend til Svalbard berre dersom søkjaren sjølv er registrert i folkeregisteret på Svalbard.

N
Det blir ikkje gitt reisestipend ved fjernundervisning. Det kan likevel bli gitt reisestipend ved kombinasjon av klasseromsundervisning og fjernundervisning når klasseromsundervisninga er obligatorisk.