På tur med Terje
Vi ringer på hjå Terje og spør mora hans om han skal vere med ut og leike. Terje blir med, men er ikkje så sprudlande og full av fan som han plar. Han sparkar berre i smågrus og er molefonken. Han får lov til å halde mikrofonen vår medan vi lest som vi filmar han med ein dorull som vi leikar er eit tv-kamera. Då vert han blid ei lita stund, men snart heng han med geipen att.
– Det er ingen vits, seier Terje stille, dei dumme amerikanarane får all merksemda. Han vil ikkje ein gong vere med å kaste egg på bilen til Hermann Friele, men snur seg og ruslar duknakka heimover, med egget i neven.
– Krigen er sikkert over neste veke, ropar vi etter han, då kjem det kanskje nokre journalistar igjen. Terje berre går.

Bråk i Grillen
Onsdag kveld kom det til handgemeng i restauranten Grillen på Studentsenteret, då politiet kom for å fjerne ein gjeng uteliggarar som hadde samla seg rundt bord nr. 12 der dei sat og drakk øl. Dei var raudmussete i andletet, sluskete kledd og drakk mykje. Og dei diskuterte kva øl som var best og skråla høgt, til ålmenn sjenanse for dei andre gjestane. Det viste seg seinare, etter pågripinga, at det ikkje var uteliggarar, men professorar og fagleg ansette ved HF-fakultetet.

Teit vakt
Då eg sat på herretoalettet på Studentsenteret for å gjere mitt fornødande, kom det eit kvinnemenneske og banke på døra sog spurte om eg var i live. Sjølvsagt var eg i live! Kva er dette slags utilbørleg spørsmål? Eg sat der og passa mine eigne saker. Eg har aldri røykt ein hasj-cigarett i heile mitt liv. Eg har ei litt nervøs blære og treng litt tid på meg for å tisse på offentlege toalett. Eg tykkjer dette var ein svært teit oppførsel frå personalet, og ber om at dei oppfører seg litt mindre teit i framtida, seier Olav Ellingsen frå institutt for meteorologi, som ynskjer å vere anonym.

Kvalitets-
reformen

Siste artikkel:
2. oktober 2002
Antall artikler: 20

Boligsituasjonen