yr.no er et samarbeid mellom og

Mine steder
Velg språk / Choose language:

Ein omvendt regnboge

Omvendt regnbue! (Foto: Gisle Thordarson/Privat)

HIMMELENS SMIL: Ein opp ned regnbue ser ut som eit smil på himmelen.

Foto: Gisle Thordarson/Privat

Har du nokon gong sett ein regnboge smile til deg? Då har du vore vitne til ein cirkumzenitalboge!

  • Pen, men gamal mann
    Trond-Ole Husebø

Publisert 15.07.2012 09:30.

Gisle har sendt inn eit spørsmål til yr-meteorologane om regnbogen.

Han har tatt eit bilete av eit fenomen som ved første augekast ser ut som ein omvendt regnboge.

Spør meteorologen

Statsmeteorolog Haldis Berge
Foto: Marit Hommedal
  • I dag er det statsmeteorolog Haldis Berge som svarer.
  • Send dine værspørsmål til yrmeteorologen@met.no

Hei Gisle, og takk for fint bilete!

Dette er eit halo fenomen, kjent som cirkumzenitalboge.

Den blir også beskriven som ein omvendt regnboge eller himmelens smil.

Når kan ein sjå bogen?

Cirkumzenitalbogen kan ein vera heldig å sjå når sola står lågt på himmelen, og det er høge, tynne skyer.

Sjå då rett opp, senteret til bogen vil vera mot sola, og raudfargen er på utsida av bogen.

Bogen kan berre formast om sola er lågare enn 32.3º over horisonten.

Dess lågare sola står, jo lengre blir bogen. Bogen blir aldri ein heil sirkel, den blir på det største ein fjerdedel av ein sirkel.

opp ned regnbue (Foto: the_exploratorium/flickr)

VAKKERT SYN: Ein regnbue er eit vakkert syn. Spesielt når den smilar til deg i tillegg!

Foto: the_exploratorium/flickr

Kvifor opp ned?

Denne type fenomen oppstår når sollyset skin på spesielle iskrystallar, og bryt og blir reflekt i desse.

Slike iskrystallar finst i cirrus-skyer. Iskrystallane må vera med den flata sida opp for at dette fenomenet skal oppstå.

Sommarhelsing frå Haldis.

Spør meteorologen!

Siste saker frå yr.no