Betalingsutsetjing

Betalingsutsetjing vil seie at du får utsett betalinga av halve eller heile terminbeløpet. Nedbetalingstida blir litt lengre.

Når kan du få betalingsutsetjing?
1.  Når du har rett til rentefritak.
Du har til vanleg rett til betalingsutsetjing for det same tidsrommet du har rett til rentefritak. Les om rentefritak.

2. Når du har behov for å betale mindre til Lånekassen.
Du treng ikkje oppgi nokon spesiell grunn.

Du kan søkje om å få utsett halve terminbeløpet i til saman seks år (24 gonger) eller heile terminbeløpet i til saman tre år (12 gonger) i løpet av tilbakebetalingstida. Du kan kombinere halve og heile utsetjingar, men summen av utsetjingar utan rentefritak kan ikkje bli meir enn tolv heile terminar. Nedbetalingstida kan ikkje bli utvida til meir enn 30 år.

Slik søkjer du:

1. Du kan søkje via Dine sider dersom du ønskjer utsetjing med heile beløpet. Du kan og søkje via Miside på norge.no.
2. Du kan skrive ut søknadsblanketten for utsetjing og rentefritak  og sende han inn.

Bruk denne utvegen med fornuft
Det å kunne få halve og heile utsetjingar gir deg større fleksibilitet. Du kan leggje opp nedbetalinga slik det passar økonomien din best. Bruk denne utvegen med fornuft, for det blir lagt til renter sjølv om du har fått utsett betalinga.