Vanleg vidaregåande opplæring
Vanleg vidaregåande opplæring vil seie kurs som følgjer opplæringsplanen for offentlege vidaregåande skolar.
Elevar og lærlingar i vanleg vidaregåande opplæring er dei som
- har rett til vidaregåande opplæringa etter opplæringslova § 3-1
- tek kurs for å få generell studiekompetanse direkte etter avslutta vidaregåande opplæring
Rett til vidaregåande opplæring - ungdomsrett
- Du har rett til vanleg vidaregåande opplæring i tre år (eventuelt fleire år dersom utdanninga varer lenger).
- Gjer du eit omval (byter studieretning), har du rett til eit ekstra år.
- Du kan ta to "venteår" i løpet av opplæringa utan å miste retten.
- Du må bruke retten til vidaregåande opplæring i løpet av ei samanhengande periode på fem år, eller seks år ved læretid.
- Du må bruke retten innan slutten av det året du fyller 24 år.
Det finst unntak. Spør på skolen dersom du er usikker.
Når du tek vidaregåande opplæring utan rett
Dersom du tek vidaregåande utdanning utan å fylle krava under "Rett til vidaregåande opplæring", gjeld andre reglar for stipend og lån. Det same gjeld dersom du tek ei vidaregåande utdanning ved for eksempel folkehøgskolar og IT-skolar. Les informasjonen som ligg under høgare og anna utdanning.