Høgare og anna utdanning
Regelverket for støtte frå Lånekasen er det same for høgare utdanning og for utdanningar som går under kategorien anna utdanning.
Høgare utdanning
Høgare utdanning er all utdanning på høgskoler eller universitet som gir uttelling i form av studiepoeng eller vekttall.
Du kan få stipend og lån til høgare utdanning som er offentleg godkjend i Noreg. Vi gir ikkje støtte til utdanning ved militære skolar eller til etatsopplæring.
Anna utdanning
Med anna utdanning meiner vi utdanningar som
- folkehøgskolar
- fagskolar
- bibelskolar
- kunstskolar
- IT-skolar
- korte, yrkesretta utdanningar ved private skolar
- grunnskole for vaksne som har rett til slik utdanning etter opplæringslova § 4A-1
- vidaregåande opplæring for vaksne som har rett til slik utdanning etter opplæringslova § 4A-3
Deltidsutdanning
Tek du deltidsutdanning i Noreg, kan du få stipend og lån dersom utdanninga utgjer minst 50 prosent av fulltidsutdanninga. Går du på universitet eller høgskole må du ta minimum 15 studiepoeng per semester.
Etter- og vidareutdanning
Skal du ta ei etter- eller vidareutdanning kan du få stipend og lån dersom utdanninga er godkjend for støtte frå Lånekassen.