Deltidsutdanning

Til deltidsutdanning får du 50, 67 eller 75 prosent av alminneleg støttebeløp.

Støttebeløpet reknast slik:

Studiepoeng per semester: Prosent støtte: Basisstøtte:
15-19,5 studiepoeng 50 prosent støtte kr 4 145
20-22 studiepoeng 67 prosent støtte kr 5 555
22,5-29 studiepoeng 75 prosent støtte kr 6 218

Det blir belasta renter på lån du har frå før

Ver merksam på at det blir belasta renter på lån du har frå før når du tek deltidsutdanning. Du kan søkje om rentefritak når du har bestått utdanninga. Legg ved vitnemål/karakterutskrift og stadfesting på kor mykje du har hatt i brutto månadsinntekt i utdanningsperioden.

Dersom du ikkje kan betale terminbeløpa under utdanninga, kan du søkje om utsetjing.

Forseinking

Dersom utdanninga di varer eitt år eller mer, kan du få støtte i inntil eitt år utover normert tid om du blir forseinka.

Dersom du blir meir enn eitt år forseinka, må du ta igjen forseinkinga utan støtte frå Lånekassen. For å få ny støtte må du ta igjen forseinkinga. Du kan få ny støtte når du er mindre enn eit år over normert tid.