Nesten ein av fire studentar får kutt i stipendet

I dag sender Lånekassen ut brev om omgjering av stipend til lån til over 40 000 studentar som har hatt for stor inntekt eller formue til å behalde fullt stipend. Det betyr at nesten ein av fire studentar gjekk over Lånekassen sine fribeløp for 2004.

15 studentar tente meir enn 1 million kroner og 575 hadde over millionen i formue. Den høgaste registrerte inntekta var 1,2 millionar. Studenten som hadde høgast formue kunne vise til 83 millionar kroner.

Tre årsaker

Den vanlegaste årsaka til redusert stipend er for høg inntekt. Ein student som mottok støtte for heile studieåret kunne i 2004 tene opptil 104 500 kroner og framleis få fullt stipend. Totalt var det nærmare 25 000 studentar som hadde for høg inntekt i 2004. Til samanlikning var det 5 800 studentar som hadde for høg formue. Ein einsleg student som fekk støtte for hele studieåret, kunne ha inntil 206 910 kroner i netto formue utan å få stipendet redusert. Til slutt var det litt over 13 000 studentar som fikk omgjøring på grunn av for mye trygd. Grensa for trygdemottakarar var 55 910 kroner for dei som mottok støtte for hele studieåret 2004.

Omgjøring av stipend til lån

Ordninga i dag for omgjering av stipend til lån ble innført hausten 2002. Lånekassen får likningstala frå Skatteetaten når likninga er klar, og først då kan den endelige fordelinga mellom stipend og lån fastsetjast.

Her kan du lese meir om inntekt og formue for studentar i høgare utdanning.