Hugseliste for utanlandsstudentar

FØRSTEGONGSSØKJARAR: 

  • Hugs å leggje ved kopi av endeleg bevis på opptak frå lærestaden (utan faglege føresetnader). Grad, fagområde, kor lenge studiet varer og skolepengar skal gå fram av dokumentasjonen.
  • Dersom du betaler skolepengar – legg ved dokumentasjon frå lærestaden på studieavgift. Hugs at Lånekassen kun dekkjer utgifter til skolepengar.
  • Dokumentasjon frå lærestaden skal være eit offisielt brev. E-post eller utskrift frå Internett kan ikkje nyttast.
  • Legg ved dokumentasjon på generell studiekompetanse (endeleg vitnemål frå vidaregåande skole) første gong du søkjer støtte til studier i utlandet.
     

ALLE SØKJARAR:

  • Bruk nettsøknad – enkelt og greitt!
  • Gje rett postadresse, e-post og mobilnummer.
  • Når søknaden din er behandla og godkjent, mottek du eit gjeldsbrev som du må signere. Du kan velje elektronisk signering – du må då skaffe deg smartkort og kortlesar.
  • Bruk Dine Sider – her kan du leggje inn postadresse, endre mobilnummer og e-postadresse, endre kontonummer, bestille nytt gjeldsbrev, velje signeringsmåte og følgje saken.
  • Hald kontakt med Lånekassen i løpet av studiet! Meld frå om endringar som f.eks. byte av lærestad og fagretning, forseinking, avbrot eller sjukdom.
  • Som kunde i Lånekassen pliktar du å gje riktige og fullstendige opplysningar, og å melde frå om endringar i forhold til det som blei opplyst i søknaden – opplysningsplikt.
  • Ved brudd på opplysningsplikta reagerer Lånekassen strengt. Moglege reaksjonsformer på misleghald er omgjering av stipend til lån, rentebelastning i støtteperioden, umiddelbart krav om tilbakeføring av støtte, nekting av støtte eller betalingslettelser eller politianmeldelse.
  • Alle kundar i utlandet blir kontrollert, anten ved oppstartskontroll, undervegs i studiene eller ved ein sluttkontroll. Vi sender då brev til deg og ber deg sende inn dokumentasjon.
  • Les breva og send inn dokumentasjonen som Lånekassen ber om. Mange svarer ikkje, og det blir då vurdert som misleghald av opplysningsplikta.
  • Lånekassen ønskjer færrast mogleg misleghaldssaker, men får mange slike fordi vi ikkje får svar på våre kontrollbrev.