Ettergiving for låntakar som blir ufør

Blir du varig ufør og har låg inntekt, kan du få sletta gjelda di.

Dersom du blir minst 50 prosent ufør og har ei brutto månadsinntekt på under kr 22 600, kan studiegjelda bli ettergitt heilt eller delvis. Har du barn du forsørgjer, blir grensa heva med kr 1 500  for kvart barn.

Har du bruttoinntekt opptil kr 14 980 per månad, kan du få heile gjelda sletta. Har du ei bruttoinntekt på kr 14 981 eller meir per månad, kan du få gjelda redusert etter denne tabellen:

Når inntektsgrensa skal aukast på grunn av barn, blir alle barn under 16 år (også særkullsbarn) som låntakaren forsørgjer, tekne med, også barn som låntakaren betaler bidrag for. Det blir sett bort frå barnetillegg og barnebidrag som låntakaren får for barn over 16 år.

Varig uførepensjon må vere innvilga

Uførepensjon frå folketrygda eller tilsvarande pensjonsordning i utlandet må vere innvilga før gjelda kan bli ettergitt, men det kan gjerast unnatak:

Har låntakaren vore heilt arbeidsufør i minst seks år på grunn av sjukdom, kan det gi grunnlag for ettergiving. Sjukdom, inntekt og at låntakaren er arbeidsufør, må dokumenterast. Det er ein føresetnad at låntakaren ikkje har vore under medisinsk rehabilitering eller yrkesretta attføring i perioden.

Er uførepensjonen tidsavgrensa, kan du ikkje få lånet sletta, men du kan søkje om betalingsutsetjing og rentefritak etter dei reglane som gjeld ved sjukdom.

Slik søkjer du om ettergiving

Bruk søknadsblankett U, som du kan skrive ut her frå nettstaden.

Legg ved:

1. pensjonsbrev frå trygdekontoret
2. dokumentasjon på samla brutto månadsinntekt
3. fødselsattest for barn under 16 år som du forsørgjer

Ny støtte - oppheving av vedtak

Dersom du søkjer om og får ny utdanningsstøtte før det har gått ti år etter ettergivinga, blir vedtaket om ettergiving oppheva.