Nytt stipend eller lån etter misleghald
Dersom du har misleghalde lånet ditt og søkjer om nytt lån eller stipend, vil Lånekassen gjere ei nøye vurdering før du eventuelt får støtte til ny utdanning.
Ved grovt misleghald vil du til vanleg ikkje få støtte til ny utdanning. I andre tilfelle må du anten betale inn det beløpet du ligg på etterskott med, eller dokumentere rett til betalingsutsetjing for heile misleghaldsperioden, før du kan få ny støtte.
Søknad om ny støtte sender du til regionkontoret ditt.
Dersom du får støtte til fulltidsutdanning, sluttar Lånekassen å rekne renter på lånet ditt, og du får betalingsutsetjing. Tek du deltidsutdanning, må du sjølv søkje om betalingsutsetjing og rentefritak. Rentefritak blir vurdert på etterskott.