Rettsleg gjeldsordning
Dersom du har alvorlege gjeldsproblem, kan du søkje om rettsleg gjeldsordning.
Rettsleg gjeldsordning vil seie at du får til ein avtale med kreditorane dine om å betale ein del av gjelda og få slette resten.
Du skal sende søknad om rettsleg gjeldsordning til namsmannen (lensmann eller byfogd) på den staden som du bur. Namsmannen kan gi meir informasjon om ordninga og gi hjelp til å fylle ut søknadsskjemaet.
Statens innkrevingssentral (SI) behandlar søknad om rettsleg gjeldsordning dersom lånet ditt er sagt opp. Du kan kontakte SI slik:
Telefon 75 14 94 00
Internett www.sismo.no
Brev til: SI, Postboks 455, 8601 Mo i Rana
Det er Lånekassen som behandlar søknad om rettsleg gjeldsordning når lånet ditt ikkje er sagt opp. Skulle du ha spørsmål om rettsleg gjeldsordning når lånet ikkje er sagt opp, kan du kontakte Lånekassa på telefon 04545, månadag-fredag, kl 0900-1500.