Ekstra innbetaling når du har fast rente

Ein avtale om fast rente er basert på at du følgjer den oppsette betalingsplanen. Du kan likevel betale meir enn planen tilseier, men ver merksam på at Lånekassen då vil rekne ut renteerstatning etter ein over- eller underkurs, sjå nedanfor. Fastrenteavtalen gjeld framleis for det som står igjen av lånet.

Renteerstatning etter over- eller underkurs

Overkurs oppstår når renta på nye fastrentelån er lågare enn renta på lånet ditt. Underkurs oppstår når renta på nye fastrentelån er høgare enn renta på lånet ditt.

Dersom du betaler lånet ditt ned raskare enn avtalt, vil Lånekassen tape renteinntekter, fordi pengane no må lånast ut til ei lågare rente. Dette tapet må du erstatte, og kor stort beløpet blir, er mellom anna avhengig av kor mykje du har betalt ekstra, kor lang tid det er igjen av bindingsperioden, og kor mykje renta for nye fastrentelån har gått ned.

Dersom du betaler lånet ditt ned raskare enn avtalt, vil Lånekassen tene på det, fordi pengane no kan lånast ut til ei høgare rente. Denne gevinsten får du. Kor stort beløp du får igjen, er mellom anna avhengig av kor mykje du har betalt ekstra, kor lang tid det er igjen av bindingsperioden, og kor mykje renta for nye fastrentelån har gått opp.

Døme på renteerstatning

-ved overkurs -ved underkurs

Eitt år etter at du har fått fastrenteavtale for tre år, betaler du 10 000 kroner meir enn du skulle etter betalingsplanen. Renta på nye fastrentelån er no ein prosent lågare enn renta på lånet ditt. Innbetalinga gir overkurs, eller tap for Lånekassen, og du må betale ca. 200 kroner for ekstrainnbetalinga.

Eitt år etter at du har fått fastrenteavtale for tre år, betaler du 10 000 kroner meir enn du skulle etter betalingsplanen. Renta på nye fastrentelån er no ein prosent høgare enn renta på lånet ditt. Innbetalinga gir underkurs, eller gevinst for Lånekassen, og Lånekassen må slette ca. 200 kroner av gjelda di. Har du ikkje meir gjeld, får du beløpet utbetalt.