Studieprogresjon

Når du har fått støtte for eit studieår, vil vi kontrollere dei faglege resultata. For utdanning i Noreg får Lånekassen eksamensresultata overført automatisk frå lærestadene.

Studerer du i utlandet, må du sjølv sende inn vitnemålet for graden når utdanninga er fullført. Tek du utdanning i utlandet som varer i meir enn fire år, vil vi også be om eksamensresultata dine undervegs i utdanninga.

Forseinking

Når du blir forseinka, kan det bli gitt støtte i inntil eitt år meir enn vanleg studietid (inntil eit halvt år dersom kurset varer i berre eit halvt år).

Du blir rekna som forseinka i utdanninga dersom du

  • stryk til eksamen eller utset eksamen
  • avbryt utdanninga utan å stå til eksamen
  • tek om igjen eit bestått fag for å forbetre karakteren

Lånekassen ser bort frå forseinking i periodar du får fødselsstipend eller sjukestipend.

Du kan "hente inn" forseinkinga ved å ta utdanning utan støtte frå Lånekassen.

Se også

Forseinking i utdanninga , Avbrot i utdanninga , Fødsel og adopsjon under utdanninga, Når du blir sjuk under utdanninga