Rentefritak under utdanning
Du har til vanleg rett til rentefritak under utdanning, men ikkje alltid.
Fulltidsutdanning
Tek du fulltidsutdanning og har rett til støtte, har du samtidig rett til rentefritak i så lang tid som det kan bli gitt støtte.
Når du tek utdanning utan å søkje om støtte, må du søkje om rentefritak og betalingsutsetjing for kvart undervisningsår.
Deltidsutdanning
Tek du deltidsutdanning og har rett til støtte, har du samtidig rett til rentefritak dersom du har ei brutto månadsinntekt på kr 14 980 eller lågare. Har du barn, blir inntektsgrensa heva med 1 500 kroner for kvart barn under 16 år som du forsørgjer. Du må søkje om betalingsutsetjing og rentefritak for kvart undervisningsår.
Obligatorisk praksis
Det blir gitt rentefritak under praksis som er ein obligatorisk del av studieplanen, og som det kan bli gitt støtte til.
Slik søkjer du om rentefritak
- Bruk søknadsblankett I. Skriv ut blanketten her.
- Legg ved dokumentasjon på den utdanninga du har teke. Ved deltidsutdanning må du også leggje ved fødselsattestar for eventuelle barn og dokumentasjon på inntekta di.
Har du rett til rentefritak, kan du også få betalingsutsetjing.