Kreativ forvirring
Det er godt å oppdaga at andre interesserer seg for det same som eg sjølv. Då får eg kjensla av at det eg steller med er viktig likevel. Når det kjem til saka frå andre kantar enn min, kan det endåtil vera noko å læra av å diskutera med dei. Difor vil eg spela ball med Connie Reksten Kapstad; om politikk, kultur og miljøvern – og om tekst og handling. For eg trur framleis det kan vera verd å sjå på handling som tekst. Det spørst kva tekstomgrep ein nyttar, og kva det vert nytta til.