Å skape politikk
Av og til spør eg meg sjølv: har eg som kulturforskar lov til å skrive om politikk, er det i det heile tatt mogleg for meg å nærme meg dette feltet – fagleg. Burde eg ikkje heller halde meg til meir “kulturelle” emne som kunst, litteratur og heimeinnreiing? Men det gjer eg ikkje. Eg skriv like tvert om politikk – og har gjort det lenge. Og ikkje nok med det. Eg har som kulturforskar også jobba med emne som høyrer kulturfeltet sin rival til: naturvitskapen. Eg har jobba med natur- og miljøvern.