Med Galtung i verda
Finn Røsland i samtale Johan Galtung
Fredsnasjonen Norge feirar 100 år som sjølvstendig nasjon, men vår mest profilerte fredsforskar har forlengst rømt landet. Eksilnordmannen Johan Galtung skisserer i dette intervjuet sitt bilete av nasjonal og global utvikling inn i det neste hundreåret. Han trekkjer fram reformar av FN-systemet og hyppigare bruk av folkeavstemmingar som naudsynte steg på vegen mot ei fredelegare og meir rettferdig verd. Den rådande oppfatninga i det norske utanriksdepartementet, hevdar Galtung, er at fred vert til når nordmenn er til stades. Han etterlyser kunnskap frå dei som forvaltar den norske utanrikspolitikken.