Carmina vetera anglica in lingvam norvegicam translata Deor og When the nyhtegale singes
Eg ønskjer med denne artikkelen først å gjera to lite kjende tekster meir tilgjengelege, og dinest voneleg stimulera til ei auka interesse for gamal- og mellomengelsk. Norske forskarar har tidlegare nytta gamalengelske kjelder på område som historie og sogeforsking, men det finst òg andre interessante og (av norske forskarar) mindre undersøkte koplingar mellom gamalengelsk og norrønt. Serleg gjeld dette sambandet mellom eddadikta og fleire av dei gamalengelske dikta.